جس کی خاطر گئی وہ تھا ہی نہیں پھر مرا دل وہاں لگا ہی نہیں خود کو میں نے کبھی نہیں دیکھا میرے کمرے میں آئنہ ہی نہیں کیوں میں تعبیر ڈھونڈھتی پھرتی خواب آنکھوں میں کوئی تھا ہی نہیں اب ہواؤں کو تیز چلنے دو اب مرے ہاتھ میں دیا ہی نہیں وہ کہیں ہے بھی یا نہیں موجود راز یہ آج تک کھلا ...
طوفان کا ہواؤں کا پانی کا کیا بنا کشتی بھنور میں تھی تو روانی کا کیا بنا کردار تو شروع میں مارا گیا مگر یہ تو بتا کے جاؤ کہانی کا کیا بنا اس نے خبر یہ دی مرا آنگن اجڑ گیا میں سوچتی ہوں رات کی رانی کا کیا بنا اب پیڑ تو نہیں ہیں پرندے کہاں گئے اور یہ کہ ان کی نقل مکانی کا کیا ...
اس کو عادت نہ تم بنا لینا وہ تمہیں چھوڑ بھی تو سکتا ہے ایک نشہ ہے یہ محبت بھی جو بدن توڑ بھی تو سکتا ہے
جنگل جگنو بادل اور میں آنکھ میں پھیلا کاجل اور میں گھر کے خالی سناٹے میں دل جیسا اک پاگل اور میں اس کی آنکھیں دریا جیسی پیاسی روح کی چھاگل اور میں
اک بار مل کے وہ مرے سب خواب لے گیا آنکھوں سے میری ساری تب و تاب لے گیا گہرے سمندروں میں جو اترا تھا ایک بار موتی وہ سارے ڈھونڈ کے نایاب لے گیا پہلے بجھائے اس نے مرے گھر کے سب چراغ پھر میرے آسمان سے مہتاب لے گیا آیا تو اس کے ساتھ مری زندگی بھی تھی جاتے ہوئے وہ زیست کے اسباب لے ...
سنو میں جانتی ہوں یہ دسمبر ہے وہاں سردی بہت ہوگی اکیلے شام کو جب تم تھکے قدموں سے لوٹو گے تو گھر میں کوئی بھی لڑکی سلگتی مسکراہٹ سے تمہاری اس تھکاوٹ کو تمہارے کوٹ پر ٹھہری ہوئی بارش کی بوندوں کو سمیٹے گی نہ جھاڑے گی نہ تم سے کوٹ لے کر وہ کسی کرسی کے ہتھے پر اسے لٹکا کے اپنے نرم ...
جانتے تو ہو گے تم اتنی تیز بارش میں رابطے نہیں رہتے نیٹ ورک نئیں ملتا فون کی بھی لائنیں بارشوں کے پانی سے ایسے ٹوٹ جاتی ہیں جس طرح محبت میں بے وفا کی باتوں سے دل ہی ٹوٹ جائے تو رابطے نہیں رہتے
کسی نے یہ بتایا تھا کہ بس تم آنے والے ہو بہت اچھا کیا تم نے مرا یہ بوجھ کم ہوگا تمہاری چند چیزیں تھیں ذرا ٹھہرو مجھے کچھ یاد کرنے دو ہوں ہاں وفا کی بے اثر قسمیں محبت کے کئی دعوے بہت بے ربط باتوں کے کئی ٹوٹے ہوئے ٹکڑے ہنسی کا کھوکھلا پن بھی پرانے سے کئی جھوٹے بہانوں کے ذرا کچھ ...
بہت سفاک ہو تم بھی محبت ایسے کرتے ہو کہ جیسے گھر کے پنجرے میں پرندہ پال رکھا ہو
چلو اتنا تو ہو پایا کہ تم نے بادلوں کے چند ٹکڑوں کو ہمارے پاس بھیجا ہے ہماری پیاس کی خاطر ذرا سی آس بھیجی ہے چٹختے اور پیاسے نیلے ہونٹوں کو تصور میں خیالوں میں کسی بے وصل اور بے موسمی غم کی نمی کا نرم گیلا اور گلابی سا کوئی احساس تو ہوگا جسے میں نے دعا کی شاخ سے باندھا ہوا ہے اب بدن ...
حد سے بڑھنے لگی جب میری گھٹن تو دیکھا اس نے اس گھر میں دریچہ تو بنایا ہی نہیں جب بہت دور چلی آئی تو مڑ کر دیکھا میں اکیلی تھی مرے ساتھ وہ آیا ہی نہیں