حیرت ہے کہ ہو رقیب محرم تیرا
حیرت ہے کہ ہو رقیب محرم تیرا ہمراز و انیس وقت و ہمدم تیرا جوں عکس ترے سامنے اکثر وہ ہو جوں آئینہ منھ تکا کریں ہم تیرا
اردو کے پہلے عظیم شاعر جنہیں ’ خدائے سخن ‘ کہا جاتا ہے
میر تقی میر
One of the greatest Urdu poets. Known as Khuda-e-Sukhan (God of Poetry)
میر تقی میر کی رباعی
دل غم سے ہوا گداز سارا اللہ
دل غم سے ہوا گداز سارا اللہ غیرت نے ہمیں عشق کی مارا اللہ ہے نسبت خاص تجھ سے ہر اک کے تئیں کہتے ہیں چنانچہ سب ہمارا اللہ
محشر میں اگر یہ آتشیں دم ہوگا
محشر میں اگر یہ آتشیں دم ہوگا ہنگامہ سب اک لپٹ میں برہم ہوگا تکلیف بہشت کاش مجھ کو نہ کریں ورنہ وہ باغ بھی جہنم ہوگا
تم تو اے مہربان انوٹھے نکلے
تم تو اے مہربان انوٹھے نکلے جب آن کے پاس بیٹھے روٹھے نکلے کیا کہیے وفا ایک بھی وعدہ نہ کیا یہ سچ ہے کہ تم بہت جھوٹے نکلے
اللہ کو زاہد جو طلب کرتے ہیں
اللہ کو زاہد جو طلب کرتے ہیں ظاہر تقویٰ کو کس سبب کرتے ہیں دکھلانے کو لوگوں کے دنوں کی ہے صلوٰۃ پیش انجم نماز شب کرتے ہیں
اک مرتبہ دل پہ اضطرابی آئی
اک مرتبہ دل پہ اضطرابی آئی یعنی کہ اجل میری شتابی آئی بکھرا جاتا ہے ناتوانی سے جی عاشق نہ ہوئے کہ اک خرابی آئی
دل جان جگر آہ جلائے کیا کیا
دل جان جگر آہ جلائے کیا کیا درد و غم و آزار کھنچائے کیا کیا ان آنکھوں نے کی ہے ترک مردم داری دیکھیں تو ہمیں عشق دکھائے کیا کیا
اک وقت تھے ہم بھی خوش معاشی کرتے
اک وقت تھے ہم بھی خوش معاشی کرتے ہر نالے سے اپنے دل خراشی کرتے آتے جو کبھو ادھر کو سنتے اس کو ہم گریے سے اپنے آبپاشی کرتے