جس شخص کی اوپر کی کمائی نہیں ہوتی سوسائٹی اس کی کبھی ہائی نہیں ہوتی تب تک تو بھری بزم میں لگتا ہے معزز جب تک کہ غزل اس نے سنائی نہیں ہوتی کرتا ہے اسی روز وہ شاپنگ کا تقاضا جس روز مری جیب میں پائی نہیں ہوتی پولیس کرا لیتی ہے ہر چیز بر آمد اس سے بھی کہ جس نے یہ چرائی نہیں ہوتی
میڈم کی ڈانٹ سن کے ملازم پکار اٹھا ہر چند سنگ ریزہ ہوں گوہر نہیں ہوں میں لیکن کلام کیجئے مجھ سے ادب کے ساتھ نوکر ہوں کوئی آپ کا شوہر نہیں ہوں میں
آج پھر تیری خاطر اے بیگم فارم بیمے کا گھر رہا ہوں میں گولڈن چانس ہے تمہارے لیے تیسری بار مر رہا ہوں میں
کیوں نہ اس کو میں حضورم یک نہ شد دو شد کہوں یہ ستم کچھ کم نہیں ہے دل دکھانے کے لیے چور صاحب دو عدد ٹی وی اڑا کر لے گئے ایک اپنے واسطے اور ایک تھانے کے لیے
محبت ماں سے اور بیوی سے جس کا پیار ہوتا ہے گزارہ ایسے شوہر کا بہت دشوار ہوتا ہے محبت کا مزا ہوتا ہے شادی کے ارادے تک پھر اس کے بعد جو ہوتا ہے سب بے کار ہوتا ہے
اک ڈاکٹر مریض کو سمجھا رہا تھا یوں کرتا ہے میرے کام کو دشوار کس لیے پیسے نہ تھے علاج کے گر تیری جیب میں پھر یہ بتا ہوا ہے تو بیمار کس لیے
تری شادی کی باتیں چل رہی ہیں آج کل بیٹا سو تیرا صاف ستھرا ہر گھڑی ہونا ضروری ہے مرا مطلب مہینے تک نہانے کی نہ ہو فرصت تو پھر ہفتے کے ہفتے ہاتھ منہ دھونا ضروری ہے
یوں توں خاصی دیر میں جا کر عشق کا شعلہ بھڑکا ہے چھوٹی عمر میں شادی کے نقصان کا پھر بھی دھڑکا ہے دولہا اور دلہن کی عمریں پوچھیں تو معلوم ہوا پچپن سال کی لڑکی ہے اور ساٹھ برس کا لڑکا ہے
وہ ڈگری کی بجائے میم لے کر لوٹ آیا ہے ملا تھا داخلہ جس کو سمندر پار کالج میں
ہارٹ پیشنٹ نے ڈاکٹر سے کہا میں نہ آتا تمہارے پاس کبھی کیا کروں پر کہ بیٹھے بیٹھے ہی ''دل میں اک لہر سی اٹھی ہے ابھی''