ویسے تو زندگی میں کچھ بھی نہ اس نے پایا
ویسے تو زندگی میں کچھ بھی نہ اس نے پایا جب دفن ہو گیا تو شاعر کے بھاگ جاگے وہ سادگی میں ان کو دو سامعین سمجھا بس آٹھویں غزل پر منکر نکیر بھاگے
اطہر شاہ خان جیدی
اطہر شاہ خان جیدی کی رباعی
آگاہی
ہمارے علم نے بخشی ہے ہم کو آگاہی یہ کائنات ہے کیا اس زمیں پہ سب کیا ہے مگر بس اپنے ہی بارے میں کچھ نہیں معلوم مروڑ کل سے جو معدے میں ہے سبب کیا ہے
یہ ہماری عید ہے
ہماری عید ہے ہم ہر طرح منائیں گے ہمارا شیخ کے فتوے پہ اعتبار نہیں ہمارے ڈپٹی کمشنر نے چاند دیکھا ہے ہمیں خبر ہے کہ وہ غیر ذمہ دار نہیں
ہیں شاعر و ادیب و مفکر عظیم تر
ہیں شاعر و ادیب و مفکر عظیم تر اور پھر بھی انکسار سے ملتے ہیں سب سے وہ کچھ اور بھی ادب میں بڑھا ان کا مرتبہ بائیسویں گریڈ میں آئے ہیں جب سے وہ
کس قدر ظالم و وحشی تھا وہ پاگل موذی
کس قدر ظالم و وحشی تھا وہ پاگل موذی کاٹ کر سارے ہی دانتوں کے نشاں چھوڑ دیا ہے عجب بات کہ لیڈر تو بھلا چنگا رہا آئینہ دیکھا جو کتے نے تو دم توڑ دیا
مر گیا
شاعروں نے رات بھر بستی میں واویلا کیا داد کے ہنگامہ سے پورا محلہ ڈر گیا اک ضعیفہ اپنے بیٹے سے یہ بولی اگلے روز رات کیسا شور تھا کیا کوئی شاعر مر گیا
تانک جھانک
داخلہ اس نے کالج میں کیا لے لیا لڑکیوں میں بڑا معتبر ہو گیا کھڑکیوں سے نظر اس کی ہٹتی نہیں میرا بیٹا تو بالغ نظر ہو گیا
ناکام محبت کا ہر اک دکھ سہنا
ناکام محبت کا ہر اک دکھ سہنا ہر حال میں انجام سے ڈرتے رہنا قدرت کا بڑا انتقام ہے جیدیؔ محبوبہ کی اولاد کا ''ماموں'' کہنا
رنگ خوشبو گلاب دے مجھ کو
رنگ خوشبو گلاب دے مجھ کو اس دعا میں عجب اثر آیا میں نے پھولوں کی آرزو کی تھی آنکھ میں موتیا اتر آیا!!
کھڑا ہے گیٹ پہ شاعر مشاعرے کے بعد
کھڑا ہے گیٹ پہ شاعر مشاعرے کے بعد رقم کے وعدے پر اس کو اگر بلایا تو دے کوئی تو ڈھونڈ کے لائے کہ منتظم ہے کہاں لفافہ گر نہیں دیتا نہ دے کرایہ تو دے