کلکتہ کے معروف شاعر۔ غزل، نظم اور رباعی جیسی اصناف میں طبع آزمائی کی، بچوں کے لیے لکھی نظموں کے کئی مجموعے شائع ہوئے، کئی ادبی رسالوں کے مدیر رہے
Well-known poet from Kolkata, wrote Ghazal, Nazm, and Rubai; published several collections of poetry for children, also edited several literary journals
یہ کیا کہ چہرہ نقاب اندر نقاب رکھو یہی ہے کافی بچا کے آنکھوں کی آب رکھو کہا یہ کس نے کہ روز و شب کا حساب رکھو بہ نام جاں کرب مستقل کا عذاب رکھو سروں کے اوپر سے جو تمہارے گزر گئی ہے ہمارے حصے میں دوستو وہ کتاب رکھو رہ تمنا میں جن سے رقصاں ہوں ماہ و انجم تم اپنی آنکھوں میں روشنی کے ...
دشت در دشت پھرا کرتا ہوں پیاسا ہوں میں اور دنیا یہ سمجھتی ہے کہ دریا ہوں میں تنگ صحرا نظر آیا ہے جو پھیلا ہوں میں ہو گئی ہے مری تصویر جو سمٹا ہوں میں جستجو جس کی سفینوں کو رہی ہے صدیوں دوستو میرے وہ بے نام جزیرہ ہوں میں کس لیے مجھ پہ ہے یہ سست روی کا الزام زندگی دیکھ لے خود تیرا ...
گمراہ ہو گیا رہ ہموار دیکھ کر چلنا تھا دل کو جادۂ دشوار دیکھ کر جو سر جھکا تھا سنگ در یار دیکھ کر اونچا ہوا ہے پھر رسن و دار دیکھ کر شوریدگئ سر کو نہ تھا کوئی مشغلہ دل خوش ہوا ہے راہ میں دیوار دیکھ کر کیا میں کہوں کہ ہاتھ سے کیوں جام گر پڑا سرشار ہو گیا تجھے سرشار دیکھ کر گرچہ ...
دل کے در پر قفل پڑا ہے تم بھی چپ ہو ہم بھی چپ خاموشی اب شرط وفا ہے تم بھی چپ ہو ہم بھی چپ بے صوتی اب صوت و صدا ہے تم بھی چپ ہو ہم بھی چپ لفظوں کا دم ٹوٹ گیا ہے تم بھی چپ ہو ہم بھی چپ کل تک تو جھنکار سلاسل کی تھی جینے کا پیغام آج یہ کیسا وقت پڑا ہے تم بھی چپ ہو ہم بھی چپ گلشن گلشن صحرا ...
جنون شوق محبت کی آگہی دینا خودی بھی جس پہ ہو قرباں وہ بے خودی دینا نہ شور چاہئے دریا کی تند موجوں کا مرے لہو کو سمندر کی خامشی دینا تو دے نہ دے مرے لب کو شگفتگی گل کی جو دے سکے تو شگوفے کی بیکلی دینا شناخت جس سے زمانے میں آدمی کی ہے یہ التجا ہے کہ تو مجھ کو وہ خودی دینا جھکا سکے ...
آؤ بچو سیر کرائیں بھارت کا دل تم کو دکھائیں بھارت کا دل کیا ہے بولو دنیا دیکھو آنکھیں کھولو ہر لب پر ہے جس کا فسانہ دہلی ہے وہ شہر پرانا شہر کہ جس میں میرؔ نے گائے رنج و خوشی کے دل کش نغمے شہر کہ جس میں غالبؔ نے بھی چھیڑیں شیریں غزلیں اپنی شہر کہ جس میں شاہ ظفرؔ نے غزلیں لکھیں لکھے ...
امتحاں کی رات اور میں جھڑکیاں سنتا رہوں ہر عنایت ہر کرم کو مسکرا کر میں سہوں ہوک سی دل میں اٹھے اور کچھ نہ میں پھر بھی کہوں اے غم دل کیا کروں اے وحشت دل کیا کروں بن کے رٹو پاس کر جاؤں مری فطرت نہیں امتحاں میں دوستوں سے لوں مدد عادت نہیں مہرباں ہوں ماسٹر ایسی مری قسمت نہیں اے غم دل ...
تھا اندھیرا ہر طرف راہ بھی ملتی نہ تھی ایک ننھا سا دیا روشن ہوا اور اندھیرا چھٹ گیا اک مسافر رات کو کھا رہا تھا ٹھوکریں چاند کی ننھی کرن چھٹکی ذرا اور رستہ مل گیا تھا پریشاں دیر سے ایک دہقاں دھوپ میں ایک ٹکڑا ابر کا آیا وہاں اور سایہ ہو گیا باغ میں اڑتی تھی دھول سارے پتے زرد ...
ہیں شگوفے ننھے ننھے پھول لیکن ہم بنیں گے ایک دن پھول بن کر مسکرانا ہم سکھائیں گے جہاں کو دوستو ہیں ستارے ننھے ننھے چاند لیکن ہم بنیں گے ایک دن چاند بن کر جگمگانا ہم سکھائیں گے زمیں کو دوستو بول ہیں ہم ننھے ننھے گیت لیکن ہم بنیں گے ایک دن گیت بن کر دل پہ چھانا ہم سکھائیں گے جہاں کو ...
کہنے کو تو بے بی ہیں یہ سچ پوچھو تو نانی ہیں یہ آفت کی پرکالہ کہیے شیطاں کی بھی خالہ کہیے شاہینہ کی چوٹی کھینچی فرزانہ کی کاپی لے لی اس کو مارا اس کو جھپٹا کام یہی ہے سارے دن کا آشا ہے اک روز گگن پر چمکیں گی یہ تارا بن کر تتلی اک فردوس کی ہیں یہ ننھی منی گول سی ہیں یہ آشاؤں کا درپن ...
میرا ذوق سجدہ ریزی راس جن کو آ گیا اب چمکتے ہیں وہ پتھر آفتابوں کی طرح کون اب کس کو پکارے کس سے ہوں باتیں یہاں شہر میں ہیں لوگ بے چہرہ نقابوں کی طرح
خود ساختہ افسانے سناتے رہئے فرسودہ تصادم کو دکھاتے رہئے یوں آپ شب و روز بہ فیض جذبات اوہام کو ایمان بناتے رہئے
گل زار سے کیا دشت و دمن سے گزرے تلوار سے کیا دار و رسن سے گزرے پھولوں کی للک وہ تھی کہ شبلیؔ ہم لوگ ہر معرکۂ رنج و محن سے گزرے
ہر صبح کے چہرے کو نکھارا کس نے ہر شام کے گیسو کو سنوارا کس نے گم نامی کی چادر میں تھی لپٹی کب سے ہر نقش کو فطرت کے ابھارا کس نے
احساس میں بے تابئ جاں رکھ دی ہے اظہار میں تاثیر بیاں رکھ دی ہے خلاق معانی یہ کرم ہے تیرا الفاظ کے منہ میں بھی زباں رکھ دی ہے
سورج پہ جو تھوکو گے تو کیا پاؤ گے صحرا میں جو چیخو گے تو کیا پاؤ گے مہتاب درخشندہ ارے خود نگرو! آئینہ دکھاؤ گے تو کیا پاؤ گے