1. صفحۂ اول
  2. قومی زبان
  3. شاعری
  4. اتریں گہرائی میں تب خاک سے پانی آئے

اتریں گہرائی میں تب خاک سے پانی آئے

اتریں گہرائی میں تب خاک سے پانی آئے
سب کو اے دوست کہاں اشک فشانی آئے


پھاندنی پڑ گئی کانٹوں سے بھری باڑ ہمیں
جتنے پیغام تھے پھولوں کی زبانی آئے


بس یہی سوچ کے کردار نبھاتے جاؤ
جانے کس موڑ پہ انجام کہانی آئے


ایک مدت میں خموشی سے رہا محو کلام
تب کہیں جا کے یہ لفظوں میں معانی آئے


کہیں دھوکا ہی نہ ہو شوق نئی منزل کا
میرے ہم راہ کوئی راہ پرانی آئے


شاذؔ خود میں ہی گنوائے ہوئے خود کو رکھنا
ہاتھ جب تک نہ کوئی اپنی نشانی آئے


زکریا شاذ سے متعلقہ

چھاؤں سے اس نے دامن بھر کے رکھا ہے

اس کا خیال دل میں گھڑی دو گھڑی رہے

محبت ایک ایسا راستہ ہے

کھویا ہوا تھا حاصل ہونے والا ہوں

دیکھو گھر کر بادل آ بھی سکتا ہے

یہ جو بپھرے ہوئے دھارے لیے پھرتا ہوں میں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن