1. صفحۂ اول
  2. قومی زبان
  3. شاعری
  4. تجھ سے ٹوٹا ربط تو پھر اور کیا رہ جائے گا

تجھ سے ٹوٹا ربط تو پھر اور کیا رہ جائے گا

تجھ سے ٹوٹا ربط تو پھر اور کیا رہ جائے گا
انتشار ذات کا اک سلسلہ رہ جائے گا


قربتیں مٹ جائیں گی اور فاصلہ رہ جائے گا
چند یادوں کے سوا بس اور کیا رہ جائے گا


یہ تغافل ایک دن اک سانحہ بن جائے گا
عکس تو کھو جائے گا اور آئنہ رہ جائے گا


وقت میں لمحہ سا میں تحلیل ہوتا جاؤں گا
خالی آنکھوں سے یہ منظر دیکھتا رہ جائے گا


ایک شاعر اک حسیں سے شعر کی خاطر مٹا
وقت کی تحویل میں یہ واقعہ رہ جائے گا


سرد مہری کے کہر میں اس کا چہرہ کیا ملے
ان دھندلکوں میں اسے تو ڈھونڈھتا رہ جائے گا


ایک سایہ نرم و نازک چھوڑ کر جو چل دیا
سر پہ سورج اک مسافر راستہ رہ جائے گا


سید شکیل دسنوی سے متعلقہ

گلاب کی موت

اس سے بھی ایسی خطا ہو یہ ضروری تو نہیں

عقب سے وار تھا آخر میں آہ کیا کرتا

درخت

جنگل

پہاڑ

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن