تجھ قد کی ادا سرو گلستاں سیں کہوں گا

تجھ قد کی ادا سرو گلستاں سیں کہوں گا
جادوئے نین نرگس بستاں سیں کہوں گا


دیکھا ہوں ترے لب پہ میں مسی کی دھڑی کوں
ظلمات پے جا چشمۂ حیواں سیں کہوں گا


مجھ دل کی لگن تجھ سیں ہے اے خوبیٔ محفل
پروانہ نمن شمع شبستاں سیں کہوں گا


پیدا کیا تجھ شوق میں دل وسعت مشرب
یوں حالت دل کوہ و بیاباں سیں کہوں گا


دیکھا ہوں تجھے خواب منیں اے پری پیکر
اس خواب کے تئیں جا کے سلیماں سیں کہوں گا


خنجر سیں نین کے دل یکروؔ ہوا زخمی
اب دل کی تپش خاک شہیداں سیں کہوں گا