عشق رسول

12 ربیع الاول۔۔۔مبارک دن۔۔۔حضور ﷺ کے ساتھ وفاداری کے اعادے کا دن۔۔۔اس دن ہم نے حضورﷺ کا چرچا کیا۔۔۔ان کی تعریف و تحسین سے اپنی زبان پاکیزہ بنایا۔۔۔۔ذرا سوچیے ! کیا یہ دن ہمارے لیے کوئی سبق چھوڑ گیا ہے؟ کیا ہم نے ہوم میلاد النبی ﷺ سے کچھ سیکھا ہے کہ نہیں۔۔۔؟ ذرا سوچیے !

محبوب مجازی ہو تو زندگی لمحہ لمحہ کر ب میں گزرتی ہے اور اگر محبوب حقیقی ہو تو گلہائے عقیدت نچھاور کیے جاتے ہیں۔محبوب کو خراج عقیدت پیش کرنے کے لیے نثر اور شاعری میں اہل ادب ادیبوں اور شاعروں نے اپنی اپنی بساط کے مطابق لفظوں کے پھول نچھاور کیے ہیں۔اپنے جذبات و احساسات کو مختصر انداز میں پیش کرنا جس سے مکمل مفہوم بھی کھل کر عیاں ہو جائے شاعری کے علاوہ کسی دوسری صنف میں ممکن نہیں ہے۔