ڈرامہ

سٹیج پر شاہی لباس پہنے دو کردار داخل ہوتے ہیں۔ دونوں کردار مسلمانوں کے عروج کی عملی تصویر لگ رہے ہیں۔ پروقار چال، سینہ چوڑا، پر اعتماد اور چہرے پر سنجیدگی کے تاثرات۔ دونوں کرداروں کے بائیں ہاتھ میں تلوار اور سیدھے ہاتھ میں کتاب ہے۔ دونوں کردار ایک دفعہ اکٹھے کتاب لہراتے ہیں اور پھر آپس میں تلواریں ٹکراتے ہیں۔ پھر سٹیج کے درمیان میں آ کر کتاب اور تلوار بلند کرکے اکٹھے اس طرح کھڑے ہو جاتے ہیں کہ جیسے دونوں میں بہت اتحاد ہے۔