لقمان حکیم کون تھے؟ جن کا ذکر قرآن میں بھی کیا گیا۔(حصہ اول)
حضرت لقمانؒ تاریخ انسانی کی بہت معروف شخصیت ہیں۔ ان کو قرآن مجید میں وحی ربانی کے ذریعے اللہ رب العالمین نے لازوال شہرت عطا فرمائی ہے۔ قرآن مجید کی سورۂ لقمان انھی کے نام سے منسوب ہے۔ ترتیب تدوینی کے لحاظ سے اس سورت کا نمبر۳۱ اور ترتیب نزولی کے لحاظ سے نمبر ۵۷ ہے۔ یہ مکی دور میں نازل ہوئی۔ اس سورت میں پورا ایک رکوع حضرت لقمان کی شخصیت اور ان کی تعلیمات پر مشتمل ہے۔