حضرت لقمان کو اللہ رب العالمین نے بے مثال دانائی عطا فرمائی تھی۔ ان کی دانائی عرب معاشرے میں زبان زد عام تھی۔ ان کی طرف منسوب کچھ کلام بھی عربوں میں متداول تھا، جسے صحیفۂ لقمان یا مجلۂ لقمان کہا جاتا تھا
حضرت لقمانؒ تاریخ انسانی کی بہت معروف شخصیت ہیں۔ ان کو قرآن مجید میں وحی ربانی کے ذریعے اللہ رب العالمین نے لازوال شہرت عطا فرمائی ہے۔ قرآن مجید کی سورۂ لقمان انھی کے نام سے منسوب ہے۔ ترتیب تدوینی کے لحاظ سے اس سورت کا نمبر۳۱ اور ترتیب نزولی کے لحاظ سے نمبر ۵۷ ہے۔ یہ مکی دور میں نازل ہوئی۔ اس سورت میں پورا ایک رکوع حضرت لقمان کی شخصیت اور ان کی تعلیمات پر مشتمل ہے۔