ڈاکٹر علی شریعتی کے متعدد لیکچرز کتابی صورت میں شائع ہوئے اور ان کے لاتعداد کیسٹس ایران میں گھر گھر تقسیم ہوئے۔ وہ علامہ اقبال کے مداحین میں شامل تھے اور انہوں نے اقبال کے حوالے سے بھی کئی لیکچرز دیے تھے ، جنہیں کتابی شکل میں بھی شائع کیا جا چکا ہے ، جبکہ اس کتاب کا اردو ترجمہ "ہم اور اقبال" کے نام سے کیا گیا ہے۔
ڈاکٹر علی شریعتی شہید رحمۃ اللہ علیہ ایرانی انقلاب کے نقیب ، مبلغ ، اسلامی اسکالر اور فلسفی تھے ۔ ان کی تصانیف ایک خالص اسلامی مصنف اور امت کا درد رکھنے والے ایک مبلغ کے قلم کی عکاس ہیں۔ استعمار کے سخت ترین نقاد اور کاٹ کھانے والی ملوکیت کی خلاف آواز بلند کرنے پر آپ کو رضا شاہ پہلوی کی خفیہ ایجنسی ، ساواک کے کارندوں نے 19 جون 1977 کو شہید کر دیا۔۔۔۔ جبکہ میٹر لنک ، بیلجیم کے شاعر اور ڈرامہ نویس تھے ، جنہیں دنیا بھر میں اپنی ادبی خدمات کے باعث بہت سراہا جاتا ہے ۔