اور قسم ہے اس زمین کی جو پھوٹ پڑتی ہے۔

یہ (قرآن) قولِ فیصل ہے۔

اور یہ کوئی ہنسی مذاق نہیں ہے۔

(اے نبی ﷺ !) یہ لوگ اپنی سی چالیں چل رہے ہیں

اور میں بھی اپنی چال چل رہا ہوں۔

تو آپ ان کافروں کو ذرا مہلت دے دیجیے تھوڑی دیر انہیں (ان کے حال پر) چھوڑ دیجیے !

پاکی بیان کرو اپنے رب کے نام کی جو بہت بلند وبالا ہے۔

جس نے (ہر چیز کو) پیدا کیا پھر تناسب قائم کیا۔

اور جس نے (ہر شے کا) اندازہ مقرر کیا پھر اسے (فطری) ہدایت عطا فرمائی۔

اور جس نے (زمین سے) چارہ نکالا۔