اور ہم قریب لے آئے وہیں پر دوسروں کو بھی

اور ہم نے نجات دے دی موسیٰ ؑ کو اور ان کے ساتھ جو کوئی بھی تھا سب کو

پھر ہم نے غرق کردیا دوسروں کو

یقیناً اس میں ایک نشانی ہے لیکن ان کی اکثریت ایمان لانے والی نہیں ہے

اور یقیناً آپ ﷺ کا رب بہت زبردست نہایت رحم کرنے والا ہے

اور ان کو ابراہیم ؑ کی خبر پڑھ کر سنائیے

جب اس ؑ نے اپنے والد اور اپنی قوم سے کہا کہ تم لوگ یہ کن کو پوجتے ہو

انہوں نے جواب دیا کہ ہم بتوں کو پوجتے ہیں اور انہی کے سامنے گیان دھیان میں بیٹھے رہتے ہیں

اس ؑ نے پوچھا : کیا وہ تمہاری بات سنتے ہیں جب تم انہیں پکارتے ہو

یا وہ تمہیں کوئی نفع یا کوئی نقصان پہنچا سکتے ہیں