عشرتیؔ گھر کی محبت کا مزا بھول گئے کھا کے لندن کی ہوا عہد وفا بھول گئے پہنچے ہوٹل میں تو پھر عید کی پروا نہ رہی کیک کو چکھ کے سوئیوں کا مزا بھول گئے بھولے ماں باپ کو اغیار کے چرنوں میں وہاں سایۂ کفر پڑا نور خدا بھول گئے موم کی پتلیوں پر ایسی طبیعت پگھلی چمن ہند کی پریوں کی ادا ...
اک برگ ضمحل نے یہ اسپیچ میں کہا موسم کی کچھ خبر نہیں اے ڈالیو تمہیں اچھا جواب خشک یہ اک شاخ نے دیا موسم سے با خبر ہوں تو کیا جڑ کو چھوڑ دیں
جو لوگ طرف دار علی گڑھ کے رہیں گے اس دور میں بے شک وہی بڑھ چڑھ کے رہیں گے مفلس رہیں بے نام رہیں خیر جو کچھ ہو کالج کے یہ سب علم تو ہم پڑھ کے رہیں گے
ہماری باتیں ہی باتیں ہیں سید کام کرتا ہے نہ بھولو فرق جو ہے کہنے والے کرنے والے میں کہا جو چاہے کوئی میں تو کہتا ہوں کہ اے اکبرؔ خدا بخشے بہت سی خوبیاں تھیں مرنے والے میں
کونسل میں نکتہ چینوں کی ٹولی بہت پٹی اچھا ہوا سنبھل گئی اب یونیورسٹی بیکار کالجوں سے بھرے گی نہ ہر سٹی اس بل سے یہ شکایت احباب بھی مٹی الجھا ہوا ہے چندہ و اسکول میں ہر ایک
میں نے کہا کیوں لاش پہ آقا کی ہے مرتا ہوٹل کی طرف جا کہ غذا بھی ہے کوئی چیز کتے نے کہا ہو یہ جہالت کہ تعصب لیکن مرے نزدیک وفا بھی ہے کوئی چیز
چھوڑ لٹریچر کو اپنی ہسٹری کو بھول جا شیخ و مسجد سے تعلق ترک کر اسکول جا چار دن کی زندگی ہے کوفت سے کیا فائدہ کھا ڈبل روٹی کلرکی کر خوشی سے پھول جا
نئی تہذیب میں بھی مذہبی تعلیم شامل ہے مگر یوں ہی کہ گویا آب زمزم مے میں داخل ہے کہاں تک داد دوں تیری بلاغت کی میں اے اکبرؔ یہ تیرا ایک مطلع لاکھ مضمونوں کا حاصل ہے
جس روشنی میں لوٹ ہی کی آپ ہمیں سوجھے تہذیب کی میں اس کو تجلی نہ کہوں گا لاکھوں کو مٹا کر جو ہزاروں کو ابھارے اس کو تو میں دنیا کی ترقی نہ کہوں گا
واہ رے سید پاکیزہ گہر کیا کہنا یہ دماغ اور حکیمانہ نظر کیا کہنا قوم کے عشق میں پر سوز جگر کیا کہنا ایک ہی دھن میں ہوئی عمر بسر کیا کہنا