جنگل دکھائی دے گا اگر یہ یہاں نہ ہوں سچ پوچھئے تو شہر کی ہلچل ہیں لڑکیاں ان سے کہو کہ گنگا کے جیسی پوتر ہیں جن کے لیے شراب کی بوتل ہیں لڑکیاں انجمؔ تم اپنے شہر کے لڑکوں سے یہ کہو پیروں کی بیڑیاں نہیں پائل ہیں لڑکیاں
مجبوریوں کے نام پہ سب چھوڑنا پڑا دل توڑنا کٹھن تھا مگر توڑنا پڑا میری پسند اور تھی سب کی پسند اور اتنی ذرا سی بات گھر چھوڑنا پڑا
تری یادوں کو پیار کرتی ہوں سو جنم بھی نثار کرتی ہوں تجھ کو فرصت ملے تو آ جانا میں ترا انتظار کرتی ہوں
اپنی آوارہ مزاجی کو نیا نام نہ دو مجھ کو جنت سے نکلوانے کا الزام نہ دو میکدے بند بھی ہو جائیں تو پروا نہ کرو کسی کم ظرف کے ہاتھوں میں مگر جام نہ دو
مرے کاسۂ شب و روز میں کوئی شام ایسی بھی ڈال دے سبھی خواہشوں کو ہرا کرے سبھی خوف دل سے نکال دے
سر کہکشاں مرا عکس ہو مرے شوق کو پر و بال دے مرے فن سے پھیلے جو روشنی اسے پھر کبھی نہ زوال دے
مرے خوش نظر مرے خوش خبر یہ جو رات ہے اسے ٹال دے مرے گلستاں پہ نگاہ کر اسے اپنا رنگ جمال دے
طعنۂ عصیاں دینے والو ایک نظر اس پر بھی ڈالو میری توبہ کے شیشے پر فطرت نے خود پتھر پھینکا بے موسم گھر آئے بادل بن بادل بھی برسا پانی میں نے جب بھی توبہ کر کے مینا توڑی ساغر پھینکا
سزا یہ دی ہے کہ آنکھوں سے چھین لیں نیندیں قصور یہ تھا کہ جینے کے خواب دیکھے تھے کسی نے ریت کے طوفاں میں لا کے چھوڑ دیا یہ جرم تھا کہ وفا کے سراب دیکھے تھے
میں نہ کہا کرتا تھا ساقی تشنہ لبوں کی آہ نہ لے پیاس بھی شعلہ بن سکتی ہے پیاسوں کو ترسانے سے دیکھ وہ جل اٹھا مے خانہ دیکھ وہ سلگے جام و سبو نکلی تھی پہلی چنگاری میرے ہی پیمانے سے