ایک جو خوجے سے ملا اک حکیم دونوں وے آپس میں ہوئے ہم کلام خوجے نے یوں اس سے کہا تجھ سے ہی مردے حکیموں کا ہوا زندہ نام کتنے دنوں سے ہے مجھے درد سر اس کی میں پامالی میں ہوں صبح و شام نیند نہیں رات کو نے دن کو چین خواب و خورش مجھ پہ ہوئی ہے حرام تیری توجہ ہے ضروری ادھر کیوں کہ یہ ناکام کا ...
سنا ہے چاہ کا دعویٰ تمہارا کہو جو کچھ کہ چاہو مہرباں ہو کنارا یوں کیا جاتا نہیں پھر اگر پائے محبت درمیاں ہو
مے کشی صبح و شام کرتا ہوں فاقہ مستی مدام کرتا ہوں کوئی ناکام یوں رہے کب تک میں بھی اب ایک کام کرتا ہوں
نہ جانوں میرؔ کیوں ایسا ہے چپکا نمونہ ہے یہ آشوب و بلا کا کرو دن ہی سے رخصت ورنہ شب کو نہ سونے دے گا شور اس بے نوا کا
دل ٹک ادھر نہ آیا ایدھر سے کچھ نہ پایا کہنے کو ترک لے کر اک سوانگ یاں بنایا دریوزہ کرتے گزری گلیوں میں عمر اپنی درویش کب ہوئے ہم تکیہ کہاں بنایا
ہر چند گدا ہوں میں ترے عشق میں لیکن ان بو الہوسوں میں کوئی مجھ سا بھی غنی ہے ہر اشک مرا ہے در شہوار سے بہتر ہر لخت جگر رشک عقیق یمنی ہے
تو نے کس دل کو دکھایا ہے تجھے کیا معلوم کس صنم خانے کو ڈھایا ہے تجھے کیا معلوم ہم نے ہنس ہنس کے تری بزم میں اے پیکر ناز کتنی آہوں کو چھپایا ہے تجھے کیا معلوم
یہ رقص رقص شرر ہی سہی مگر اے دوست دلوں کے ساز پہ رقص شرر غنیمت ہے قریب آؤ ذرا اور بھی قریب آؤ! کہ روح کا سفر مختصر غنیمت ہے
گریباں چاک محفل سے نکل جاؤں تو کیا ہوگا تری آنکھوں سے آنسو بن کے ڈھل جاؤں تو کیا ہوگا جنوں کی لغزشیں خود پردہ دار راز الفت ہیں جو کہتے ہو سنبھل جاؤ سنبھل جاؤں تو کیا ہوگا
اسی ادا سے اسی بانکپن کے ساتھ آؤ پھر ایک بار اسی انجمن کے ساتھ آؤ ہم اپنے ایک دل بے خطا کے ساتھ آئیں تم اپنے محشر دار و رسن کے ساتھ آؤ