شاعری

حال بد میں مرے بتنگ آ کر آپ کو سب میں نیک نام کیا ہو گیا دل مرا تبرک جب درد نے قطعۂ پیام کیا

تسکین دل کے واسطے ہر کم بغل کے پاس انصاف کریے کب تئیں مخلص حقیر ہو یک وقت خاص حق میں مرے کچھ دعا کرو تم بھی تو میرؔ صاحب و قبلہ فقیر ہو

وائے اس جینے پر اے مستی کہ دور چرخ میں جام مے پر گردش آوے اور مے خانہ خراب چوب حرفی بن الف بے میں نہیں پہچانتا ہوں میں ابجد خواں شناسائی کو مجھ سے کیا حساب

یہی درد جدائی ہے جو اس شب تو آتا ہے جگر مژگان تر تک دکھائی دیں گے ہم میت کے رنگوں اگر رہ جائیں گے جیتے سحر تک

کوہ و صحرا بھی کر نہ جائے باش آج تک کوئی بھی رہا ہے یاں ہے خبر شرط میرؔ سنتا ہے تجھ سے آگے یہ کچھ ہوا ہے یاں

نہ سمجھا گیا ابر کیا دیکھ کر ہوا تھا مری چشم تر کی طرف ٹپکتا ہے پلکوں سے خوں متصل نہیں دیکھتے ہم جگر کی طرف

گہ سرگزشت ان نے فرہاد کی نکالی مجنوں کا گاہے قصہ بیٹھا کہا کرے ہے ایک آفت زماں ہے یہ میرؔ عشق پیشہ پردے میں سارے مطلب اپنے ادا کرے ہے

پھر بھی کرتے ہیں میرؔ صاحب عشق ہیں جواں اختیار رکھتے ہیں چوٹٹے دل کے ہیں بتاں مشہور بس یہی اعتبار رکھتے ہیں

ہو عاشقوں میں اس کے تو آؤ میرؔ صاحب گردن کو اپنی مو سے باریک تر کرو تم کیا لطف ہے وگرنہ جس دم وہ تیغ کھینچے سینہ سپر کریں ہم قطع نظر کرو تم

تاب و طاقت کو تو رخصت ہوئے مدت گزری پند گو یوں ہی نہ کر اب خلل اوقات کے بیچ زندگی کس کے بھروسے پہ محبت میں کروں ایک دل غم زدہ ہے سو بھی ہے آفات کے بیچ