مطلب معاملات کا کچھ پا گیا ہوں میں ہنس کر فریب چشم کرم کھا گیا ہوں میں بس انتہا ہے چھوڑیئے بس رہنے دیجئے خود اپنے اعتماد سے شرما گیا ہوں میں ساقی ذرا نگاہ ملا کر تو دیکھنا کمبخت ہوش میں تو نہیں آ گیا ہوں میں شاید مجھے نکال کے پچھتا رہے ہوں آپ محفل میں اس خیال سے پھر آ گیا ہوں ...
توبہ کا تکلف کون کرے حالات کی نیت ٹھیک نہیں رحمت کا ارادہ بگڑا ہے برسات کی نیت ٹھیک نہیں اے شمع بچانا دامن کو عصمت سے محبت ارزاں ہے آلودہ نظر پروانوں کے جذبات کی نیت ٹھیک نہیں کل قطع تعلق کر لینا اس وقت تو دنیا میری ہے یہ رات کی قسمیں جھوٹی ہیں یہ رات کی نیت ٹھیک نہیں ایسا نظر ...
زباں پر آپ کا نام آ رہا تھا غم ہستی کو آرام آ رہا تھا خدا کا شکر تیری زلف بکھری بڑی گرمی کا ہنگام آ رہا تھا ستارے سو گئے انگڑائی لے کر کہ افسانے کا انجام آ رہا تھا تڑپ کر میں نے توبہ توڑ ڈالی تری رحمت پہ الزام آ رہا تھا عدمؔ دل کھو کے آسودہ نہیں ہم برا تھا یا بھلا کام آ رہا تھا
مشکل یہ آ پڑی ہے کہ گردش میں جام ہے اے ہوش ورنہ مجھ کو ترا احترام ہے فرصت کا وقت ڈھونڈ کے ملنا کبھی اجل تجھ کو بھی کام ہے ابھی مجھ کو بھی کام ہے آتی بہت قریب سے خوشبو ہے یار کی جاری ادھر ادھر ہی کہیں دور جام ہے کچھ زہر کو ترستے ہیں کچھ مے میں غرق ہیں ساقی یہ تیری بزم کا کیا انتظام ...
بہت سے لوگوں کو غم نے جلا کے مار دیا جو بچ رہے تھے انہیں مے پلا کے مار دیا یہ کیا ادا ہے کہ جب ان کی برہمی سے ہم نہ مر سکے تو ہمیں مسکرا کے مار دیا نہ جاتے آپ تو آغوش کیوں تہی ہوتی گئے تو آپ نے پہلو سے جا کے مار دیا مجھے گلہ تو نہیں آپ کے تغافل سے مگر حضور نے ہمت بڑھا کے مار دیا نہ ...
افسانہ چاہتے تھے وہ افسانہ بن گیا میں حسن اتفاق سے دیوانہ بن گیا وہ اک نگاہ دیکھ کے خود بھی ہیں شرمسار نا آگہی میں یوں ہی اک افسانہ بن گیا موج ہوا سے زلف جو لہرا گئی تری میرا شعور لغزش مستانہ بن گیا حسن ایک اختیار مکمل ہے آپ نے دیوانہ کر دیا جسے دیوانہ بن گیا ذکر اس کا گفتگو ...
اگرچہ روز ازل بھی یہی اندھیرا تھا تری جبیں سے نکلتا ہوا سویرا تھا پہنچ سکا نہ میں بر وقت اپنی منزل پر کہ راستے میں مجھے رہبروں نے گھیرا تھا تری نگاہ نے تھوڑی سی روشنی کر دی وگرنہ عرصۂ کونین میں اندھیرا تھا یہ کائنات اور اتنی شراب آلودہ کسی نے اپنا خمار نظر بکھیرا تھا ستارے ...
سو کے جب وہ نگار اٹھتا ہے مثل ابر بہار اٹھتا ہے تیری آنکھوں کے آسرے کے بغیر کب غم روزگار اٹھتا ہے دو گھڑی اور دل لبھاتا جا کیوں خفا ہو کے یار اٹھتا ہے ایسے جاتی ہے زندگی کی امید جیسے پہلو سے یار اٹھتا ہے زندگی شرکتوں سے چلتی ہے کس سے تنہا یہ بار اٹھتا ہے جو بھی اٹھتا ہے اس کی ...
آج پھر روح میں اک برق سی لہراتی ہے دل کی گہرائی سے رونے کی صدا آتی ہے یوں چٹکتی ہیں خرابات میں جیسے کلیاں تشنگی ساغر لبریز سے ٹکراتی ہے شعلۂ غم کی لپک اور مرا نازک سا مزاج مجھ کو فطرت کے رویے پہ ہنسی آتی ہے موت اک امر مسلم ہے تو پھر اے ساقی روح کیوں زیست کے آلام سے گھبراتی ہے سو ...
دل کو دل سے کام رہے گا دونوں طرف آرام رہے گا صبح کا تارا پوچھ رہا ہے کب تک دور جام رہے گا بدنامی سے کیوں ڈرتے ہو باقی کس کا نام رہے گا زلف پریشاں ہی اچھی ہے عالم زیر دام رہے گا مفتی سے جھگڑا نہ عدمؔ کر اس سے اکثر کام رہے گا