ہمارے ہاں علامہ کے جواب شکوہ کو مذہبی حلقوں کی جانب سے تنقید کا نشانہ بنایا گیا اور علامہ پر یہ الزام لگایا گیا کہ وہ خدا کے ساتھ خدانخواستہ گستاخی کے مرتکب ہوئے ہیں۔ لیکن درحقیقت اقبال نے اپنی جواب شکوہ میں بھی اور دیگر نظموں میں بھی خدا اور اس کی وحدانیت کی طرف پورے یقین سے دعوت دی ہے۔
اقبال کے ہاں زندگی کا وجود حرکت سے وابستہ ہے جبکہ جمود یا سکون دراصل موت ہے۔ اقبال کے مطابق خدا کی تخلیق کردہ کائنات اسی لیے زندگی رکھتی ہے کیونکہ یہ مسلسل حرکت کی حالت میں ہے۔ اگر یہ ساکت ہوجائے تو اس کی موت واقع ہوجائے۔
شاعر مشرق علامہ اقبال بنیادی طور پر جمہوریت کے مخالف نہیں تھے۔ لیکن مغرب کی محض انسانوں کی تعداد کو گننے والی جمہوریت کے حق میں بھی نہیں تھے۔ ان کے نزدیک انسان کی قدر اس کی صلاحیت اور قابلیت کے لحاظ سے ہوتی ہے۔ اسلام کی نظر میں بھی شورائیت دراصل جمہورت کی ایک اعلیٰ شکل ہے اور اسی کے علامہ اقبال قائل تھے۔
اقبال کے ہاں بھی دیگر فلاسفہ کی طرح مسئلہ تقدیر اہمیت رکھتا ہے لیکن اقبال اس میں عملیت پسندی کے قائل ہیں۔ ان کے نزدیک مومن یا مرد مسلمان اپنی تقدیر خود بناتا ہے کیونکہ اللہ کی نصرت و تائید اسے ہر لمحہ حاصل رہتی ہے۔
اقبال کے نزدیک انقلاب یا تبدیلی کے لیے جہد مسلسل ضروری ہے۔ اقبال کے ہاں انقلاب محض مادی طور پر وقوع پذیر نہیں ہوتا، اس کے ذہنوں اور دلوں کو بھی بدلنا ضروری ہے۔
علامہ اقبال مستقبل پر نظر رکھنے والے شاعر ہیں۔احیائے اسلام اور امت مسلمہ کا دنیا میں دوبارہ عروج اقبال کی شاعری کے بنیادی مقاصد میں سے ایک ہے ۔
علامہ اقبالؒ کا ایک اقتصادی نظریہ یہ بھی ہے کہ ہم اپنے ملک کی چیزوں اور مصنوعات کو فروغ دیں۔ اگر ہم نے ایسا نہ کیا تو ہمیں دوسری قوموں کا محتاج ہونا پڑے گا۔ دوسرے ملکوں کا دست نگر اور مقروض نہیں ہونا چاہیے۔یہ اقتصادی غلامی ملکی سالمیت کے لیے بھی خطرہ بن چکی ہے۔
علامہ اقبال کے ہاں ادب اور فن کی اپنی اہمیت ہے، علم و ادب، ہنر اور فن کو علامہ انسانیت کا لازمی خاصہ تصور کرتے ہیں۔ ادب لطیف اور اس سے متعلق علامہ اقبال کے اشعار دیکھیے۔
یہ حقیقت ہے کہ جس دور میں علامہ اقبال مسلمانان برصغیر کو مغرب کے لائے نظام سرمایہ داری کے خلاف اپنی شاعری کے ذریعے بیدار کررہے تھے، دنیا میں سرمایہ داری نظام کے متبادل کے طور پر اشتراکی خیالات اور نظریات کی ترویج بھی ہورہی تھی۔ اقبال کی شاعری میں کمیونزم، سوشلزم اور اشتراکیت کا تذکرہ کس انداز سے کیا گیا ہے ، اقبال کے ان اشعار میں دیکھیے۔
اقبال کی شاعری اسلام کے پیغام پر مشتمل ہے۔ اقبال کی نظموں اور غزلوں میں اسلام، مسلمانوں، اور امت مسلمہ کا ذکر جابجا ملتا ہے۔ آئیے علامہ اقبال کے چند ایسے خوب صورت اشعار پڑھتے ہیں جن میں اسلام کا تذکرہ کیا گیا ہے۔