نماز کو چلو
نماز کو جو جاؤ گے
خدا کا قرب پاؤ گے
کہیں گے تم کو نیک سب
ملے گا تم کو پیارا رب
اٹھو اٹھو نماز کو
چلو چلو نماز کو
ہے مختصر سی زندگی
نہیں ہے اچھی کاہلی
خدا کا اٹھ کے نام لو
چلو تو سب یہ کہو
اٹھو اٹھو نماز کو
چلو چلو نماز کو
وضو کرو وضو کرو
مگر دھیان یہ رکھو
وضو سے تن بھی صاف ہو
وضو سے من بھی صاف ہو
اٹھو اٹھو نماز کو
چلو چلو نماز کو
سدا رکھیں یہ دھیان اب
کہ ختم ہو اذان جب
ہر ایک کام چھوڑ دیں
خدا سے دل کو جوڑ لیں
اٹھو اٹھو نماز کو
چلو چلو نماز کو
