کچھ ووٹ کمانے کی خاطر کیا خون بہانہ لازم ہے

کچھ ووٹ کمانے کی خاطر کیا خون بہانہ لازم ہے
جب بات امن کی ہو ہر سو کیا بات بڑھانا لازم ہے


تم اہل سیاست کیا جانو ہم اہل قلم کے جذبوں کو
جو خون جگر سے لکھ دیں تو سب کا گھبرانا لازم ہے


اخبار تو جھوٹے ہیں اکثر یہ ہم کو کیا سمجھائیں گے
کب کس کو اٹھانا بہتر ہے کب کس کو گرانا لازم ہے


باتوں کا زمانہ ختم ہوا ہاتھوں کا زمانہ آیا ہے
دل آج ہمارا کہتا ہے کچھ کر کے دکھانا لازم ہے


دیوار اٹھا کر مذہب کی نیتا نے کرسی پائی ہے
پھر اہل وطن نے مانا ہے دیوار گرانا لازم ہے