انسان اور انسانیت کے بارے میں چند بڑے لوگوں کی خوب صورت باتیں

جاوید اقبال
04 ستمبر 2022

کسی قوم کی دولت کپڑا،لوہا،اور سونا نہیں بلکہ قابل انسان ہیں۔(ماؤزے تنگ)
خدا کے ساتھ محبت کا دعویٰ اس وقت تک غلط ہے جب تک آپ انسانوں کے ساتھ محبت کو اہم نہیں سمجھتے۔
انسان کی شرافت اور قابلیت اس کے لباس سے نہیں اس کے کردار اور فعل وگفتار سے ہوتی ہے۔
اچھے ارادے اور بلند مقاصد انسان کو کردار کی بلندی عطا کرتے ہیں اور بلند کردار انسان کو دنیا والے ایک عرصے تک یاد رکھتے ہیں۔
انسان بننا ہے تو ہمیشہ کے لیے انسان بنو۔(ڈکنز)
میں اپنی مادرِوطن کو اپنے خاندان سے زیادہ چاہتا ہوں لیکن نسلِ انسانی کے لیے میری محبت اپنی مادرِوطن سے بھی زیادہ شدیدہے۔(فینلن)
مقام حاصل کرنا ہے تو نسل انسانی کے سچے خیر خواہ بنو۔(ہومر)
انسان دوستی یہی ہے کہ کسی ارفع واعلیٰ مقصد کے لیے بھی کسی انسان کو قربان نہ کرو۔(البرٹ)
ہر انسان کا دل انسانی دل ہوتا ہے۔(لانگ فیلو)
انسانی ہمدردی خدا کی دین ہے۔(تھیوڈ ورپارکر)
ہماری اصل قومیت نسلِ انسانی کی قومیت ہے۔(ایچ جی ویلز)
قبیلوں اور برادریوں میں بٹے ہوئے لوگوں کو یہ سوچنا چاہیے کہ سب ہیں تو ایک ہی نسل انسانی سے۔
جب تک ہم میں بنی نوع ِانسان کی خوبیاں پیدا نہیں ہوتیں اس وقت تک حقیقی انسانی سماج کی تشکیل محال ہے۔(جارج برنارڈ شا)
انسان بننے سے پہلے کتنے مراحل طے کرنا پڑتے ہیں!(باب ڈلن)
نہ تم وحشی بنونہ دیوتا بلکہ انسان بنو ۔
جب انسانیت کو نظر انداز کردیا جاتا ہے تو دکھ،افلاس اور ظلم وجبرکا دور دورہ ہوجاتا ہے۔
انسانیت کے لیے کام کرو،انسانیت کا خطاب سب خطابات سے بڑھ کر ہے۔(مارکس)
اگر تجھے دوسروں کی تکلیف کا احساس نہیں ہے تو تُو اس قابل نہیں کے تجھے انسان کہا جائے۔ (شیخ سعدی )
آدمی پیدا ہوتا ہے اور انسان تہذیبی عمل سے بنتا ہے۔
احساسِ محرومی یا غرور کی سطح کسی معاشرے میں جس قدر کم ہوگی وہ معاشرہ انسانیت سے اسی قدر قریب ہوگا۔
انسان ایک ہی باوا آدم علیہ السلام کی اولاد ہیں۔
ہر ذی ہوش کو انسانیت کی بہتری کے لیے ہردم سرگرم عمل رہنا چاہیے۔
میں ان لوگوں سے اتفاق نہیں کرسکتا جن کے نزدیکھ انسان دکھوں کے لیے ہی پیدا ہوا ہے۔(رسل)
اگر تم دوسروں پر اثر ڈالنا چاہتے ہو تو تمہیں خود ایک انسان ہونا چاہیے جو دوسروں کے لیے عمل انگیز ثابت ہوسکے۔
ہر شخص کا فرض ہے کہ اپنی ذاتی صلاحیتوں کا رخ انسانیت کی بہبود کی جانب پھیر دے ۔

انسانیت کے خدمت سے بے نیاز رہنا ہر قسم کے بندھنوں سے آزاد ہونا ہے۔
بے کار ہے وہ انسان جس میں انسانیت نہ ہو۔
جس شخص میں انسانیت نہیں اس کو کوئی مذہب نہیں۔
خدا نے ہمیں انسان کی شکل میں پیدا کیا تو کیوں نہ ہم انسان بن جائیں۔
جینے کی خواہش ہے تو اچھے انسان بن کر جیو ۔
مغز سر میں ہوتا ہے ناکہ پگڑی میں انسانیت انسان میں ہوتی ہے نہ کہ جبہ ودستار میں۔
جہنم سے بچنا چاہتے ہو تو انسانیت کی خدمت کو اپنا شعار بناؤ۔
انسانیت سے گر جانا اس درخت کی مانند ہے جس کی کوئی جڑ نہ ہو۔
بہترین انسان وہ ہے جو دوسروں کے دل میں اتر کر ان کے دکھ کا اندازہ کرے۔
انسانی رشتے صرف خون کے رشتوں تک محدود نہیں ہوتے ۔
ہر انسان کا فرض ہے کہ وہ انسانیت سے تعلق رکھتا ہو۔
کسی شخص کی خوابیدہ صلاحیتوں کو بیدار کرکے انسانیت کی مدد کی جاسکتی ہے۔(گلی لیو)
انسانیت کی بہتری کے لیے کچھ کئے بغیر ہی زندگی کا گزار جانا شرمندگی کی بات ہے۔ (ہاریس مین)
بالآ خر انسانیت کی حریف قوتیں نامرادہوں گی اور انسان جیت جائے گا۔
انسانیت کی مدد نہ کرنے والے انسان کہلانے کے مستحق نہیں۔(عبدالستارایدھی)
دوسروں کے غم سے بے خبر رہنے والا آدمی انسان نہیں ہوسکتا۔(شیخ سعدی)
جوواقعی انسان ہوتا ہے وہ مرنے کے بعد بھی زندہ رہتا ہے۔(فیثا غورث)
انسان کا انسان بن جانا اس کی فتح ہے۔
اگر تم انسان ہو تو دلوں کو فتح کرنے کا فن سیکھو۔(کونیل )
اگر تمہیں زندگی سےمحبت ہے تو انسانیت سے محبت کرو۔
اس زمین پر بہت زیادہ لوگ اور بہت کم انسان بستے ہیں۔