حسیں چہروں سے صورت آشنائی ہوتی رہتی ہے

حسیں چہروں سے صورت آشنائی ہوتی رہتی ہے
سمجھ لو ابتدائی کاروائی ہوتی رہتی ہے


ہماری بیوی اور مہنگائی دونوں ہیں سگی بہنیں
ہماری جیب کی اکثر صفائی ہوتی رہتی ہے


کہا میں نے کہ ملتے ہو بچھڑ جانے کی نیت سے
کہا اس نے محبت میں جدائی ہوتی رہتی ہے


کہا میں نے مری درخواستوں کا کیا بنا آخر
کہا اس نے کہ ان پر کاروائی ہوتی رہتی ہے


کہا لڑکے کی امی نے رہے گی خوش سدا بیٹی
کہ اوپر سے بھی لڑکے کی کمائی ہوتی رہتی ہے


ترے پند و نصائح کا نتیجہ صفر ہے ناصح
برائی ہوتی رہتی تھی برائی ہوتی رہتی ہے