1. صفحۂ اول
  2. قومی زبان
  3. شاعری
  4. گلی گلی آباد تھی جن سے کہاں گئے وہ لوگ

گلی گلی آباد تھی جن سے کہاں گئے وہ لوگ

گلی گلی آباد تھی جن سے کہاں گئے وہ لوگ
دلی اب کے ایسی اجڑی گھر گھر پھیلا سوگ


سارا سارا دن گلیوں میں پھرتے ہیں بے کار
راتوں اٹھ اٹھ کر روتے ہیں اس نگری کے لوگ


سہمے سہمے سے بیٹھے ہیں راگی اور فن کار
بھور بھئے اب ان گلیوں میں کون سنائے جوگ


جب تک ہم مصروف رہے یہ دنیا تھی سنسان
دن ڈھلتے ہی دھیان میں آئے کیسے کیسے لوگ


ناصرؔ ہم کو رات ملا تھا تنہا اور اداس
وہی پرانی باتیں اس کی وہی پرانا روگ


ناصر کاظمی سے متعلقہ

تنہائی کا دکھ گہرا تھا

سر میں جب عشق کا سودا نہ رہا

شہر سنسان ہے کدھر جائیں

پل پل کانٹا سا چبھتا تھا

تھوڑی دیر کو جی بہلا تھا

کل جنہیں زندگی تھی راس بہت

اہم خبریں

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

میں نہ ٹوٹا نہ بکھرا ، نہ دل شکستہ ہوا

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن