1. صفحۂ اول
  2. قومی زبان
  3. شاعری
  4. دل سوختہ کو اپنے جلایا غضب کیا

دل سوختہ کو اپنے جلایا غضب کیا

دل سوختہ کو اپنے جلایا غضب کیا
نیرنگ تم نے کیا یہ دکھایا غضب کیا


زندہ کیا ہے حسرت مردہ کو بے وفا
تو بعد مرگ گور پہ آیا غضب کیا


یہ درد درد مند تماشا دکھائے گا
آفت رسیدہ کو جو ستایا غضب کیا


ہم خانماں خراب بھٹکتے کہاں پھریں
بیٹھے بٹھائے اس نے اٹھایا غضب کیا


سب کہہ رہے تھے بلبل کشمیر کے حریف
اس گل نے اپنا یار بنایا غضب کیا


مجذوب و مست پیر مغاں کیوں نہ وہ رہے
ساقیؔ کو جام جذب پلایا غضب کیا


پنڈت جواہر ناتھ ساقی سے متعلقہ

تو نے صورت جو اپنی دکھلائی

آپ ہیں محو حسن و رعنائی

جس سے تیری ہوئی ہے یکتائی

کہاں ہے وہ گل خنداں ہمیں نہیں معلوم

تم نے دیکھا ہی نہیں ہے وہ نظام مخصوص

تجھے خلق کہتی ہے خود نما تجھے ہم سے کیوں یہ حجاب ہے

اہم خبریں

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

میں نہ ٹوٹا نہ بکھرا ، نہ دل شکستہ ہوا

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن