دل کی تسکین کو کافی ہے پریشاں ہونا
دل کی تسکین کو کافی ہے پریشاں ہونا
ہے توکل بخدا بے سر و ساماں ہونا
یوں تو ہر دین میں ہے صاحب ایماں ہونا
ہم کو اک بت نے سکھایا ہے مسلماں ہونا
اے پری رو ترے دیوانے کا ایماں کیا ہے
اک نگاہ غلط انداز پہ قرباں ہونا
کور ہے چشم جسے دعویٔ بینائی ہے
شرط اول ہے جہاں دیدۂ حیراں ہونا
ہم سے رندان بلا نوش کا ہے شُرب مدام
درد آشام مے کلفت ہجراں ہونا
وقف تسلیم و رضا چاہئے دل عاشق کا
ساحرؔ آسان نہیں بندۂ جاناں ہونا
