1. صفحۂ اول
  2. قومی زبان
  3. شاعری
  4. چشم نم پر مسکرا کر چل دیئے

چشم نم پر مسکرا کر چل دیئے

چشم نم پر مسکرا کر چل دیئے
آگ پانی میں لگا کر چل دیئے


ساری محفل لڑکھڑاتی رہ گئی
مست آنکھوں سے پلا کر چل دیئے


گرد منزل آج تک ہے بے قرار
اک قیامت ہی اٹھا کر چل دیئے


میری امیدوں کی دنیا ہل گئی
ناز سے دامن بچا کر چل دیئے


مختلف انداز سے دیکھا کئے
سب کی نظریں آزما کر چل دیئے


گلستاں میں آپ آئے بھی تو کیا
چند کلیوں کو ہنسا کر چل دیئے


وجد میں آ کر ہوائیں رہ گئیں
زیر لب کچھ گنگنا کر چل دیئے


وہ فضا وہ چودھویں کی چاندنی
حسن کی شبنم گرا کر چل دیئے


وہ تبسم وہ ادائیں وہ نگاہ
سب کو دیوانہ بنا کر چل دیئے


کچھ خبر ان کی بھی ہے ماہرؔ تمہیں
آپ تو غزلیں سنا کر چل دیئے


ماہر القادری سے متعلقہ

درود

گلہائے نعت: سلام اسﷺ پر کہ جس نے بے کسوں کی دستگیری کی

ان کی خوشی یہی ہے تو اچھا یونہی سہی

طوائف

کچھ اس طرح نگاہ سے اظہار کر گئے

مانا مقام عشرت ہستی بلند ہے

اب اس طرح ستم روزگار ہوتا ہے

اہم خبریں

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

میں نہ ٹوٹا نہ بکھرا ، نہ دل شکستہ ہوا

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن