چمن والوں کو رقصاں و غزل خواں لے کے اٹھی ہے
چمن والوں کو رقصاں و غزل خواں لے کے اٹھی ہے
صبا اک اک سے تائید بہاراں لے کے اٹھی ہے
رخ گل رنگ پر اک شبنمستاں لے کے اٹھی ہے
یہ کیا عالم تری چشم پشیماں لے کے اٹھی ہے
یہ کس دامن کی حسرت چشم گریاں لے کے اٹھی ہے
کہ دل سے جو بھی موج اٹھی ہے طوفاں لے کے اٹھی
گرانباری سے شانہ خم ہوا جاتا ہے ہستی کا
نہ جانے زندگی کس کس کا احساں لے کے اٹھی ہے
سرورؔ اس بزم کے صدقے جہاں پر دل کی بیتابی
فسردہ لے کے آئی تھی غزل خواں لے کے اٹھی ہے
