رنگینیٔ بزم و بو کس کی ہے
رنگینیٔ بزم و بو کس کی ہے مرغان چمن میں گفتگو کس کی ہے ہے لالے کے دل میں داغ حسرت کس کا نرگس حیران جستجو کس کی ہے
مشہور اردو اسکالر اور شاعر جگن ناتھ آزاد کے والد
تلوک چند محروم
Father of famous Urdu scholar and poet Jagannath Azad.
تلوک چند محروم کی رباعی
دروازے پہ تیرے اک جہاں جھکتا ہے
دروازے پہ تیرے اک جہاں جھکتا ہے اونچے اونچوں کا سر یہاں جھکتا ہے کیوں کر نہ جھکے زمیں میں وقعت کیا ہے با عجز و نیاز آسماں جھکتا ہے
کالا انسان ہو یا کوئی زرد انسان
کالا انسان ہو یا کوئی زرد انسان رنگت میں ہو یا چاند کی گرد انسان خارج انسانیت سے اس کو سمجھو انساں کا اگر نہیں ہے ہمدرد انسان
جب کالی گھٹائیں جھوم کر آتی ہیں
جب کالی گھٹائیں جھوم کر آتی ہیں ساون کا گیت کوئلیں گاتی ہیں تب یاد میں گزری ہوئی برساتوں کی آنکھیں مری سیل اشک برساتی ہیں
اڑتے دیکھا جو طائر پراں کو
اڑتے دیکھا جو طائر پراں کو اڑنے کی امنگ لے اڑی انساں کو گولے برسائے زمیں پر اس نے پرواز نصیب جب ہوئی ناداں کو
ہے نازش کائنات یہ پیکر خاک
ہے نازش کائنات یہ پیکر خاک دھوم اس نے مچا رکھی ہے زیر افلاک یہ دار فنا یہ اس کی بزم آرائی غافل انجام سے ہے یا ہے بے باک
قطرہ سمجھے حقیقت دریا کیا
قطرہ سمجھے حقیقت دریا کیا ذرے کو علم وسعت صحرا کیا پایا نہ سراغ ذات بے پایاں کا عقل انسان بھٹک رہی ہے کیا کیا
فریاد ہے کس لیے در یزداں پر
فریاد ہے کس لیے در یزداں پر الزام تراشتے ہو کیوں شیطاں پر یزداں نے کئے کبھی نہ شیطاں نے کئے انساں نے کئے ہیں جو ستم انساں پر
ہم بھول کو اپنی علم و فن سمجھے ہیں
ہم بھول کو اپنی علم و فن سمجھے ہیں غربت کے مقام کو وطن سمجھے ہیں منزل پہ پہنچ کے جھاڑ دیں گے اس کو یہ گرد سفر ہے جس کو تن سمجھے ہیں
جنگل کی یہ دل نشیں فضا یہ برسات
جنگل کی یہ دل نشیں فضا یہ برسات یہ نغمۂ باراں یہ ہوا یہ برسات سامان وارفتگئ شاعر کے ہیں کوئل کی یہ کوک یہ گھٹا یہ برسات