بتاؤ تو تمہیں کیسی لگی ہے مرے ماتھے پہ جو بندی لگی ہے سبھی شہدے اکٹھا ہو گئے ہیں یہاں کیا حسن کی منڈی لگی ہے برہمن زاد ہوں یہ دھیان رکھنا سنا ہے پھر کوئی اچھی لگی ہے یقیں کر لو مرے ہاتھوں میں اب تک تمہارے نام کی مہندی لگی ہے
یوں باتیں تو بہت ساری کرو گے کہو کیا ناز برداری کرو گے ابھی باتیں بہت پیاری کرو گے مگر کل کیا وفا داری کرو گے صحافی ہو مگر ہوشیار رہنا جو گھر میں بات اخباری کرو گے مجھے یہ شادمانی کھل رہی ہے کب اپنی یاد کو طاری کرو گے بدن کے ایک اک کونے میں میرے کب اپنے لب سے زرکاری کرو ...
تیرے لئے میں بازی لگاؤں گی جان کی یہ انتہا ہے ترے بھرم کے گمان کی مجھ پہ لگا کے بندشیں دنیا جہان کی خود سیر کر رہے ہو میاں آسمان کی دھندا کئے ہیں آپ ہی بارود کا میاں اور بات کر رہے ہیں جی امن و امان کی بد خو و بد زبان کہو بے ادب کہو تعریف میں اے دوستو ہر حقؔ بیان کی
تم یہ کہتے ہو اک سوال ہو تم تم کو چھو کر جواب کر دوں گی تم کو غم ہے کہ ایک آتش ہو پاس آؤ تو آب کر دوں گی
دل سے ہو کر دل تلک جایا کرو بیچ کے رستے نہ اپنایا کرو مجھ کو باتیں کم سمجھ آتی ہیں تم کچھ عمل کر کے ہی بتلایا کرو
اس دھرتی سے اس عنبر کو لوٹ گیا پھر سے خدا کے اعلیٰ در کو لوٹ گیا آدم زادوں کی دنیا سے تنگ آ کر ایک فرشتہ اپنے گھر کو لوٹ گیا
سہیلی کی سہیلی عرشیہ حقؔ بہت مشکل پہیلی عرشیہ حقؔ خوشی کیا شے نہیں معلوم اس کو غموں کے سنگ کھیلی عرشیہ حقؔ
مسجد کو مت جایا کر مجھ کو پاس بٹھایا کر مجھ سے پیار کی بولی بول میرے لب سے روزہ کھول