زخم ناسور کوئی ہونے سے درد اگتا ہے درد بونے سے وہ تھا مرکوز میرے مرکز پہ اور ادھڑتا رہا میں کونے سے چلو اب ہنس کے دیکھ لیتے ہیں دل پگھلتے نہیں ہیں رونے سے اسے ہم سود اب کہے یا زیاں مل گیا خواب نیند کھونے سے وہ اندھیروں میں ہی رہے آخر بجھ گئے جو چراغ ڈھونے سے دن میں بھی رات کا ...
جب صبح ہوئی آئی جب سانجھ ڈھلی آئی ہے یاد تری تجھ سی بے باک چلی آئی تھا بے نمو سا مجھ میں اک پودھا محبت کا یہ معجزہ ہے تیرا جو اس پہ کلی آئی احسان ہوا کا ہے بیکل مری سانسوں پہ خوشبو ترے دامن کی لے کر یہ چلی آئی آواز تری رن جھن پائل کی ہو جیسے دھن باتوں میں تری گھل کے مصری کی ڈلی ...
ہم اب کیا بتائیں کہاں تک گئے گماں کے مسافر گماں تک گئے حصار جہاں تک ہے دشت انا دکھا بس یہ منظر جہاں تک گئے نہ جذبات سے یہ سفر طے ہوا نہ دل سے کبھی یہ زباں تک گئے کہ حاصل یہی موسموں کا رہا بہاروں کے پتے خزاں تک گئے مسافت کسی کی یہیں تک رہی مکاں سے چلے تو دکاں تک گئے بتاؤ قضا پر ...
یہ جسم مرا تھک کے بہت چور ہوا ہے کس کار مسلسل پہ یہ معمور ہوا ہے وہ نیند ملی ہے کہ جو پوری نہیں ہوتی وہ خواب ملا ہے کہ جو معذور ہوا ہے جو خوف جراحت میں کھلا چھوڑ دیا تھا وہ زخم موادوں بھرا ناسور ہوا ہے اک بار اگر سانحہ میں سود جو دیکھا پھر ذوق حوادث بڑا بھرپور ہوا ہے کچھ وقت ذرا ...
روز طوفاں کو گزارا میں کروں اور پھر گھر کو سنوارا میں کروں ایک امید کا تنکا ہی سہی خود کو اس سے ہی ابھارا میں کروں منتظر ہے میرا سیلاب ابھی اس کی ضد ہے کہ اشارہ میں کروں دھوپ ہی دھوپ ہو تو مشکل ہے کیسے سائے سے کنارہ میں کروں مسئلہ اک دفعہ میں بس یہ ہے دل تو چاہے گا دوبارہ میں ...
بات نکلی تو مری ذات پر آ کر ٹھہری ذات سے نکلی تو اوقات پر آ کر ٹھہری اپنے حق میں کبھی اثبات نہیں دے پایا بے گناہی مری اس بات پر آ کر ٹھہری جب بھی اٹھی کبھی چہروں کے لیے میری نظر ہر دفعہ صرف حجابات پر آ کر ٹھہری وہ جو اک بات کہ جس پر نہ کبھی میں ٹھہرا سب کی ہر بات اسی بات پر آ کر ...
جو جوابوں سے بھرے تھے وہ سوالی ہو گئے آخرش تو سارے برتن پھر سے خالی ہو گئے اپنی مٹی میں دبے جو اٹھ نہ پائے وہ کبھی دوسروں میں جو اگے وہ لا زوالی ہو گئے نہ تھی خوابوں کی مرے اشکال نہ پیکر کوئی تیری آنکھوں سے جو گزرے تو غزالی ہو گئے پنکھڑی جب بند تھی تو تھا زر گل رائیگاں اور کھولی ...
رنج یوں راہ مسافت میں ملے کچھ کمائے کچھ وراثت میں ملے خواب تک میں آج کل رسنے لگے زخم ہم کو جو حقیقت میں ملے اب نہیں ہے تاب دل سے ملنے کی کیا پتہ وہ کیسی حالت میں ملے ایک دوجے سے رقابت تھی جنہیں ایک دوجے کی حراست میں ملے جو اندھیروں میں نہ شائستہ رہے وہ اجالوں سے خجالت میں ...
ایک ہی پل میں بدلتا ہے نظارہ سارا اور اس پل کے لیے باقی تماشا سارا زندگی نے نہ کسی امتحاں کو دہرایا تجربہ کام ہی آیا نہیں اپنا سارا دھوپ میں جلنا ہے اس کو جو شجر بن کے جیے اس کے سائے میں رہے خوش یہ زمانہ سارا اس کی رحمت کا خزانہ وہ لٹائے ایسے جس نے مانگا نہیں جو اس نے وہ پایا ...
ہو گئی آواز سستی اور مہنگا شور ہے بات بیٹھی ہے سکڑ کر اور پھیلا شور ہے یہ ترا ہے یہ مرا ہے اور وہ اس کا شور ہے ٹکڑے ٹکڑے دنیا نے ٹکڑوں میں بانٹا شور ہے لال ہو نیلا ہو نارنگی ہو یا پھر ہو ہرا رنگ الگ خود غرضی کے پر سب کا اک سا شور ہے یہ سیاست کی دکانوں میں مسلسل بکتا ہے مذہبوں کا ...