آج کے نوجوان کی اصل آزمائش کیا ہے؟
جس نے جوانی اللہ کی نافرمانیوں میں تباہ کر دی، برے راستے کو چن لیا۔ اس کے پاس بڑھاپے میں سوائے پچھتاوے کے کچھ نہیں رہے گا۔ بڑھاپے میں زیادہ عبادت کرنا منع نہیں ہے۔ لیکن بڑھاپے کی عبادت جوانی کی عبادت کی مٹھاس اور اجر کو کبھی نہیں پا سکتی۔ زندگی کا سب سے زیادہ بے لگام دور اور خواہشات سے لبریز سرکشی کی جانب دوڑتا ہوا نفس بڑھاپے میں خود ہی قابو میں آ جاتا ہے۔ جبکہ جوانی میں اسے زبردستی قابو کرنا اور سیدھے راستے پر ڈالنا ہی دراصل جوانی کی عبادت کو مقبول ترین عبادات میں داخل کرتا ہے۔