پھول کچھ اور کھلائیں گے تم آؤ تو سہی اپنی پلکوں پہ بٹھائیں گے تم آؤ تو سہی دوست دشمن کی بھی ہو جائے گی پہچان ابھی آئنہ ایسا دکھائیں گے تم آؤ تو سہی اپنی ناکام محبت کی رفاقت کے لئے پیار کے دیپ جلائیں گے تم آؤ تو سہی دشمنی ہم سے کرو بھی تو کوئی بات نہیں دوستی پھر بھی نبھائیں گے تم ...
خار کو پھول بیاباں کو سمندر لکھنا ہم نے سیکھا نہیں بے کار کے دفتر لکھنا مختصر بھی ہو مکمل بھی ہو خط کا مضموں ہم ہیں مصروف ذرا سوچ سمجھ کر لکھنا تو مرے جسم کی کالک کو چھڑا دے پہلے پھر کوئی نقش مری روح کے اندر لکھنا خود بہ خود اس سے ترا نام ابھر جائے گا کوئی گالی مری دیوار پہ آ کر ...
حادثے گشت میں رہتے ہیں قضا کی صورت کتنی محدود ہے دنیا میں بقا کی صورت قصۂ صبر و رضا اس کو سناؤ جا کر جس نے دیکھی نہ ہو ارباب وفا کی صورت زخم بھر جائیں گے پل بھر میں یقیں ہے مجھ کو وہ جو آ جائیں ذرا دیر دوا کی صورت آ کے بیٹھے بھی نہیں ٹھیک سے اور چل بھی دئے جب بھی آتے ہو تو آئے ...
کچھ اس طرح وجود مرا بے حسی میں تھا احساس غم نہ لطف خوشی زندگی میں تھا ابلیس کی ادائیں اڑا لے گئیں اسے شامل جو ایک سجدہ مری بندگی میں تھا چھوڑو خیال ہوش و خرد مجھ کو جام دو اس آگہی سے بڑھ کے مزہ بے خودی میں تھا سورج لٹا رہا تھا متاع حیات نو تیرے بغیر دل کا کنول بیکلی میں تھا میرے ...
میں اپنے عجز ذات کا اظہار ہو گیا گم کردہ راہ منزل دشوار ہو گیا کل تک تھا ایک پھول مہکتا ہوا مگر ایسی چلیں ہوائیں کہ میں خار ہو گیا بے سود ہو گئی ہیں صلہ رحمیاں تمام خود اپنے حق میں آج میں تلوار ہو گیا چہرہ چھپائے پھرتا ہوں خود اپنے آپ سے میں جو تری نظر میں گنہ گار ہو گیا اب اور ...
میں معلم ہوں کہ تدریس ہے میرا شیوہ نا مہذب کو میں تہذیب کی ضو دیتا ہوں میری ہستی ہے ضیاؔ خلق و مروت کا چراغ میں زمانے کو نئے عزم کی لو دیتا ہوں
ندی نالے سمندر اور دریا پار کرتے ہیں اگر صحرا مقابل ہو اسے گلزار کرتے ہیں ضیاؔ سورج ہتھیلی پر سجا لینا تو آساں ہے زمانے کا جو مستقبل ہے ہم تیار کرتے ہیں