دل پہ لگتے ہیں سیکڑوں نشتر
دل پہ لگتے ہیں سیکڑوں نشتر روح میں بے کلی سی پاتا ہوں یاد آتی ہے جب تری اے دوست جانے کیوں خود کو بھول جاتا ہوں
ڈی ٹی سی ٹریفک انسپکٹر، غزلوں اور قطعات کے لیے مشہور
مہیش چندر نقش
DTC traffic inspector, Known for his Ghazals and Qitaat
مہیش چندر نقش کے قطعہ
آرزو ہے کہ اب مری ہستی
آرزو ہے کہ اب مری ہستی بحر الفت میں غرق ہو جائے بے نیاز غم جہاں ہو کر تیری رنگینیوں میں کھو جائے
پرفشاں ہے تھکا تھکا سا خیال
پرفشاں ہے تھکا تھکا سا خیال بے کراں وسعتوں کے گھیرے میں جیسے اک فاختہ ہو گرم سفر شام کے ملگجے اندھیرے میں
اور کچھ دیر ابھی ٹھہر جاؤ
اور کچھ دیر ابھی ٹھہر جاؤ گرچہ نور سحر جھلکتا ہے یوں تو بچھڑے ہو بارہا لیکن جانے کیوں آج دل دھڑکتا ہے
تیری فطرت سکوں پسندی ہے
تیری فطرت سکوں پسندی ہے شور طوفاں سے بد حواس نہ ہو کہہ رہا ہے سکوت ساحل کا اے غم زندگی اداس نہ ہو
پھر کسی بات کا خیال آیا
پھر کسی بات کا خیال آیا اک حسیں رات کا خیال آیا جس نے سرشار کر دیا دل کو اس ملاقات کا خیال آیا
نا مرادی کے تند طوفاں میں
نا مرادی کے تند طوفاں میں مل گئے آج کچھ سہارے سے ان کے جلووں میں کھو گئیں نظریں کشتیاں جا لگیں کنارے سے
شوق و ارماں کی بے قراری کو
شوق و ارماں کی بے قراری کو جس نظر سے سکون ہوتا ہے بعض اوقات اس نظر سے ہی آرزوؤں کا خون ہوتا ہے
ایک مدت ستم اٹھانے پر
ایک مدت ستم اٹھانے پر جب نظر کامیاب ہوتی ہے حسن رنگیں کی وہ پشیمانی آپ اپنا جواب ہوتی ہے
حال دل تم سے آج کہتا ہوں
حال دل تم سے آج کہتا ہوں زخم کھاتا ہوں درد سہتا ہوں موت سے ہمکنار ہو کر بھی زندگی کے قریب رہتا ہوں