اف یہ امید و بیم کا عالم
اف یہ امید و بیم کا عالم کون سے دن منڈھے چڑھے گی بیل ہائے یہ انتظار کے لمحے جیسے سگنل پہ رک گئی ہو ریل
اہم ترقی پسند شاعر، اور فلم نغمہ نگار ، فلم نغمہ نگار جاوید اختر کے والد
جاں نثاراختر
Progressive poet & lyricist. Father of noted lyricist Jawed Akhtar
جاں نثاراختر کے قطعہ
اک نئی نظم کہہ رہا ہوں میں
اک نئی نظم کہہ رہا ہوں میں اپنے جذبات کی حسیں تفسیر کس محبت سے تک رہی ہے مجھے دور رکھی ہوئی تری تصویر
میں نے مانا تری محبت میں
میں نے مانا تری محبت میں دل کے دل ہی میں رہ گئے ارمان پھر بھی اس بات کا یقیں ہے مجھے نامکمل نہیں مرا رومان
کتنی معصوم ہیں تری آنکھیں
کتنی معصوم ہیں تری آنکھیں بیٹھ جا میرے روبرو مرے پاس ایک لمحے کو بھول جانے دے اپنے اک اک گناہ کا احساس
ابر میں چھپ گیا ہے آدھا چاند
ابر میں چھپ گیا ہے آدھا چاند چاندنی چھن رہی ہے شاخوں سے جیسے کھڑکی کا ایک پٹ کھولے جھانکتا ہو کوئی سلاخوں سے
حسن کا عطر جسم کا صندل
حسن کا عطر جسم کا صندل عارضوں کے گلاب زلف کا عود بعض اوقات سوچتا ہوں میں ایک خوشبو ہے صرف تیرا وجود
یوں اس کے حسین عارضوں پر
یوں اس کے حسین عارضوں پر پلکوں کے لچک رہے ہیں سائے چھٹکی ہوئی چاندنی میں اخترؔ جیسے کوئی آڑ میں بلائے
یوں ہی بدلا ہوا سا اک انداز
یوں ہی بدلا ہوا سا اک انداز یوں ہی روٹھی ہوئی سی ایک نظر عمر بھر میں نے تجھ پہ ناز کیا تو کسی دن تو ناز کر مجھ پر
صرف تسکیں ہے دست ناز ترا
صرف تسکیں ہے دست ناز ترا کم نہیں شورش جگر پھر بھی میری آنکھوں کے روبرو ہے تو ڈھونڈھتی ہے تجھے نظر پھر بھی
دوست! کیا حسن کے مقابل میں
دوست! کیا حسن کے مقابل میں عشق کی جیت سن سکے گی تو دل نازک سے پہلے پوچھ تو لے کیا مرے گیت سن سکے گی تو