اہم ترقی پسند شاعر، اور فلم نغمہ نگار ، فلم نغمہ نگار جاوید اختر کے والد
Progressive poet & lyricist. Father of noted lyricist Jawed Akhtar
صبح کے درد کو راتوں کی جلن کو بھولیں کس کے گھر جائیں کہ اس وعدہ شکن کو بھولیں آج تک چوٹ دبائے نہیں دبتی دل کی کس طرح اس صنم سنگ بدن کو بھولیں اب سوا اس کے مداوائے غم دل کیا ہے اتنی پی جائیں کہ ہر رنج و محن کو بھولیں اور تہذیب غم عشق نبھا دیں کچھ دن آخری وقت میں کیا اپنے چلن کو ...
چونک چونک اٹھتی ہے محلوں کی فضا رات گئے کون دیتا ہے یہ گلیوں میں صدا رات گئے یہ حقائق کی چٹانوں سے تراشی دنیا اوڑھ لیتی ہے طلسموں کی ردا رات گئے چبھ کے رہ جاتی ہے سینے میں بدن کی خوشبو کھول دیتا ہے کوئی بند قبا رات گئے آؤ ہم جسم کی شمعوں سے اجالا کر لیں چاند نکلا بھی تو نکلے گا ...
مدت ہوئی اس جان حیا نے ہم سے یہ اقرار کیا جتنے بھی بد نام ہوئے ہم اتنا اس نے پیار کیا پہلے بھی خوش چشموں میں ہم چوکنا سے رہتے تھے تیری سوئی آنکھوں نے تو اور ہمیں ہوشیار کیا جاتے جاتے کوئی ہم سے اچھے رہنا کہہ تو گیا پوچھے لیکن پوچھنے والے کس نے یہ بیمار کیا قطرہ قطرہ صرف ہوا ہے ...
تمام عمر عذابوں کا سلسلہ تو رہا یہ کم نہیں ہمیں جینے کا حوصلہ تو رہا گزر ہی آئے کسی طرح تیرے دیوانے قدم قدم پہ کوئی سخت مرحلہ تو رہا چلو نہ عشق ہی جیتا نہ عقل ہار سکی تمام وقت مزے کا مقابلہ تو رہا میں تیری ذات میں گم ہو سکا نہ تو مجھ میں بہت قریب تھے ہم پھر بھی فاصلہ تو رہا یہ ...
ہر ایک روح میں اک غم چھپا لگے ہے مجھے یہ زندگی تو کوئی بد دعا لگے ہے مجھے پسند خاطر اہل وفا ہے مدت سے یہ دل کا داغ جو خود بھی بھلا لگے ہے مجھے جو آنسوؤں میں کبھی رات بھیگ جاتی ہے بہت قریب وہ آواز پا لگے ہے مجھے میں سو بھی جاؤں تو کیا میری بند آنکھوں میں تمام رات کوئی جھانکتا لگے ...
تمتمائے ہوئے عارض پہ یہ اشکوں کی قطار مجھ سے اس درجہ خفا آپ سے اتنی بیزار میں نے کب تیری محبت سے کیا ہے انکار مجھ کو اک لمحہ کبھی چین بھی آیا تجھ بن عشق ہی ایک حقیقت تو نہیں ہے لیکن زندگی صرف محبت تو نہیں ہے انجم سوچ دنیا سے الگ بھاگ کے جائیں گے کہاں اپنی جنت بھی بسائیں تو بسائیں ...
شدت افلاس سے جب زندگی تھی تجھ پہ تنگ اشتہا کے ساتھ تھی جب غیرت و عصمت کی جنگ گھات میں تیری رہا یہ خود غرض سرمایہ دار کھیلتا ہے جو برابر نوع انساں کا شکار رفتہ رفتہ لوٹ لی تیری متاع آبرو خوب چوسا تیری رگ رگ سے جوانی کا لہو کھیلتے ہیں آج بھی تجھ سے یہی سرمایہ دار یہ تمدن کے خدا تہذیب ...
اف یہ شبنم سے چھلکتے ہوئے پھولوں کے ایاغ اس چمن میں ہیں ابھی دیدۂ پر نم کتنے کتنے غنچے ہیں جگر چاک گلستاں میں ابھی ہر طرف زخم ہیں بے منت مرہم کتنے کتنے سینوں میں شکستہ ہیں ابھی دل کے رباب لب خاموش پہ ہیں نغمۂ ماتم کتنے کتنے ماتھوں کے ابھی سرد ہیں رنگین گلاب گرد افشاں ہیں ابھی ...
تم مری زندگی میں آئی ہو میرا اک پاؤں جب رکاب میں ہے دل کی دھڑکن ہے ڈوبنے کے قریب سانس ہر لحظہ پیچ و تاب میں ہے ٹوٹتے بے خروش تاروں کی آخری کپکپی رباب میں ہے کوئی منزل نہ جادۂ منزل راستہ گم کسی سراب میں ہے تم کو چاہا کیا خیالوں میں تم کو پایا بھی جیسے خواب میں ہے تم مری زندگی میں آئی ...
گلنار دیکھتی ہے یہ مزدور عورتیں چہروں پہ خاک دھول کے پونچھے ہوئے نشاں تو اور رنگ غازہ و گلگونہ و شہاب سوچا بھی کس کے خون کی بنتی ہیں سرخیاں گلنار دیکھتی ہے یہ مزدور عورتیں میلے پھٹے لباس ہیں محروم شست و شو تو اور عطر و عنبر و مشک و عبیر و عود مزدور کے بھی خون کی آتی ہے اس میں ...
دور وادی میں یہ ندی اخترؔ کتنے میٹھے سروں میں گاتی ہے صبح کے اس حسیں دھندلکے میں کیا یہیں بھیرویں نہاتی ہے
انگڑائی یہ کس نے لی ادا سے کیسی یہ کرن فضا میں پھوٹی کیوں رنگ برس پڑا چمن میں کیا قوس قزح لچک کے ٹوٹی
اس حسیں جام میں ہیں غلطیدہ کتنے نازک تخیلات کے موڑ کتنے گل آفریں لبوں کا رس کتنے رنگین آنچلوں کا نچوڑ
تتلی کوئی بے طرح بھٹک کر پھر پھول کی سمت اڑ رہی ہے ہر پھر کے مگر تری ہی جانب اس دل کی نگاہ مڑ رہی ہے
رات جب بھیگ کے لہراتی ہے چاندنی اوس میں بس جاتی ہے اپنی ہر سانس سے مجھ کو اخترؔ ان کے ہونٹوں کی مہک آتی ہے