ممتاز ما بعد جدید شاعروں میں نمایاں
Prominent post modern poet.
اگر میں چیخوں میں اپنے دل کی تمام گہرائیوں سے چیخوں تو کائناتی نظام میں کیا خلل پڑے گا یہی کہ اندھے کنویں سے اک بازگشت ہوگی کہے گی کیوں تم کو کیا ہوا ہے؟ تمہی بڑے آئے ہو کہیں کے یہ آسمان و زمیں یہ سورج یہ چاند تارے تمام ماں باپ سارے اجداد شہر کے سب شریف زادے انہیں بھی دیکھو یہ سب ...
میں جب بھی سوچتا ہوں اپنے بارے میں کوئی قوت مجھے میرے مخالف کھینچتی ہے مجھے محسوس ہوتا ہے مرا ہر عضو مرکز سے بغاوت کر چکا ہے خون کے دوران کے ہمراہ بکتر بند گاڑی میں مسلح فوجیوں کے ساتھ کوئی قید ہو کر جا رہا ہے کھل گئے ہیں سب مشام جاں کے پھاٹک کھڑی ہیں سر جھکائے صف بہ صف ہارے ہوئے ...
سوچو پھر ایک بار غور سے جب تم پیدا ہوئے تھے تمہاری ماں کتنا پھوٹ کر روئی تھی لیکن تم نہیں مانے
اک مسافر ہوں بڑی دور سے چلتا ہوا آیا ہوں یہاں راہ میں مجھ سے جدا ہو گئی صورت میری اپنے چہرے کا بس اک دھندلا تصور ہے مری آنکھوں میں راستے میں مرے قدموں کے نشاں بھی ہوں گے ہو جو ممکن تو انہیں سے مرے آغاز کی تاریخ سنو
اپنی دعاؤں کے زخمی پیروں سے چلتا جاتا ہوں اور یہ کانٹے دار راستہ اس ویران مسجد تک جاتا ہے جس کے تمام گنبد و محراب میرے گناہوں کی دھند میں ڈوبے ہوئے ہیں
سورج کے گولے کو مٹھی میں بھینچ کر وعدہ کرتا ہوں جب تک پورے کا پورا انگار تمہارے چہرے میں نہیں بدلتا تب تک دنیا میں شام ہی ہوگی اور نہ میری ہتھیلی کے گھاؤ ہی بھریں گے
انہیں ازل کی تتلیوں کے رنگ کی تلاش تھی خدا کے چھوٹتے ہوئے خدنگ کی تلاش تھی تو وہ ہر اک محاورے کے اس طرف چلے گئے زمیں کے ہر معاشرے کے اس طرف چلے گئے وہاں جہاں سے جنگلوں کے راستے قریب تھے وہاں جہاں سے زندگی کے حافظے قریب تھے
میرا پیلا کتا میرے سامنے والے زرد پہاڑ کو جانتا ہے ہر پتھر کو پہچانتا ہے صبح سویرے میرے ہاتھوں اور پاؤں کو اپنی پیٹھ پہ لادتا ہے میری دونوں آنکھوں کو اپنے بالوں سے ڈھانپتا ہے پھر اپنی پونچھ کو میرے دل کے کھٹکے میں اٹکا کر زرد چڑھائی ناپتا ہے
میں بھی بادشاہ کی حکومت کا منکر ہوں لیکن جینے کی آرزو میں روز اس کی چوکھٹ پر سورج سا ابھرتا ہوں شام سا ڈوبتا ہوں گھر میں اعلان بغاوت کے طور پر بیوی بچوں کو مارتا ہوں رات رات جاگتا ہوں
اے کوزہ گر! مری مٹی لے مرا پانی لے مجھے گوندھ ذرا مجھے چاک چڑھا مجھے رنگ برنگے برتن دے