اوپر،غزل والے شعر میں، چچا نے ’کاٹ‘ کو مذکر باندھ دیاہے، جب کہ لغات میں یہ ’اسمِ مؤنث‘ ہے۔ شاید ردیف کی مجبوری سے چچا کو اس لفظ کی جنس تبدیل کرنی پڑ گئی۔ ردیف کے ساتھ ساتھ یہ بھی دیکھیے کہ اسی غزل کے ایک شعر میں چچا بچوں کو کیا پٹّی پڑھا رہے ہیں: " وہ چُراوے باغ میں میوہ جسے ؛ پھاند جانا یاد ہو دیوار کا "
‘… ’سرے تسلیمے خم‘ کا خدا جانے کیا مطلب نکلے گا، مگر وہ مطلب نہیں نکلے گا جومولوی صاحب نکالنا چاہتے تھے۔ شاید ’’اپنا ’سرے تسلیمے خم‘ کرو‘‘ کا مطلب یہ نکل آئے کہ اٹھو اور اپنا سر ٹیڑھے پن کی نذرکردو۔ حاصل کلام یہ کہ یہاں تسلیم کو زیر نہیں لگایا جائے گا۔
اگر آپ کسی شخص کو ایسی کیفیت میں مبتلا دیکھیں کہ اُسے کسی شخص پر غصہ آرہا ہے، مگر جس پر غصہ آرہا ہے، اُس سے ڈر بھی لگ رہا ہے، اور ڈر کے مارے اپنے غصے یا غیظ و غضب کا کھل کر اظہار بھی نہیں کر پا رہا ہے، تو ایسی کیفیت میں مبتلا شخص کی حالت دیکھنے کے بعد آپ کو بغض کا مفہوم سمجھنے کے لیے لغت دیکھنے کی ضرورت باقی نہیں رہے گی۔