گوشۂ باغ کی ملاقاتیں
گوشۂ باغ کی ملاقاتیں اور راز و نیاز کی باتیں اے دل! ارمان رہ نہ جائے کوئی پھر نہ ہوں گی نصیب یہ راتیں
طنز پر مائل جذباتی شدت کے لئے معروف
اختر انصاری
Known for his emotional intensity tinged with irony
اختر انصاری کے قطعہ
وہ دل نہیں رہا وہ طبیعت نہیں رہی
وہ دل نہیں رہا وہ طبیعت نہیں رہی وہ شب کو خون رونے کی عادت نہیں رہی محسوس کر رہا ہوں میں جینے کی تلخیاں شاید مجھے کسی سے محبت نہیں رہی
ادھر دماغ ہیں ساکت دلوں کو سکتہ ہے
ادھر دماغ ہیں ساکت دلوں کو سکتہ ہے ادھر سکوت بھی فریاد سے چھلکتا ہے وہاں تو حلق میں پھنستا نہیں نوالہ بھی یہاں یہ حال کہ سینے میں سانس اٹکتا ہے
رات کو بیٹھ کر لب دریا
رات کو بیٹھ کر لب دریا دیکھنا آسماں کے تاروں کا لوح دل پر ابھار دیتا ہے نقش گزری ہوئی بہاروں کا
جا رہا تھا میں سر جھکائے ہوئے
جا رہا تھا میں سر جھکائے ہوئے گزری اک ماہ رو برابر سے بھر کے اپنی نظر میں کچھ کرنیں اس نے سینے میں ڈال دیں میرے
آہ! مرگ آرزو کا ماجرا اب کیا کہوں
آہ! مرگ آرزو کا ماجرا اب کیا کہوں اک مسلسل یاس کا ہے سامنا اب کیا کہوں دم بہ دم بجھتی ہی جاتی ہے نشاط دل کی جوت رچ گیا ہے روح میں اک درد سا اب کیا کہوں
کوئی جنگل میں گا رہا ہے گیت
کوئی جنگل میں گا رہا ہے گیت دھیمی آواز دکھ بھرا لہجہ دل کو گویا یہ مل گیا ہے حکم اشک خوں بن کے آنکھ سے بہہ جا
اجڑی دنیا کو بسایا ہے ذرا دیکھو تو
اجڑی دنیا کو بسایا ہے ذرا دیکھو تو غم کی محفل کو سجایا ہے ذرا دیکھو تو چشم گریاں، دل پر خوں، جگر زخم آلود میں نے اک باغ لگایا ہے ذرا دیکھو تو
کر دیا حافظے میں حشر بپا
کر دیا حافظے میں حشر بپا اور ماضی میں زندگی بھر دی انگلیوں کو فضا میں لہرا کر تو نے اک داستاں رقم کر دی
ہر طرف ایک بے حجابی ہے
ہر طرف ایک بے حجابی ہے بے نقابی ہی بے نقابی ہے تم بھی آ جاؤ چاندنی بن کر آج کی رات ماہتابی ہے