طنز پر مائل جذباتی شدت کے لئے معروف
Known for his emotional intensity tinged with irony
بہار آئی زمانہ ہوا خراباتی ہمارے دل میں بھی اک لہر کاش آ جاتی ہوا بھی سرد ہے بھیگی ہے رات بھی لیکن سلگ رہی ہے کسی آگ سے مری چھاتی مرے پڑوس میں یہ ذکر ہے کئی دن سے صدا جو آتی تھی رونے کی اب نہیں آتی لگا کے سینے سے شادابیوں کو سو جاتا مجھے بہار جوانی میں موت آ جاتی بجا رہا ہے کوئی ...
چرخ کی سعیٔ جفا کوشش ناکارہ ہے گردش دہر یہاں جنبش گہوارہ ہے چاند تاروں کے تلاطم سے یہ آتا ہے خیال دل وحشی کوئی طوفاں زدہ سیارہ ہے بہہ گئے دیدۂ نم ناک سے دریا لیکن دل وہی ایک دہکتا ہوا انگارہ ہے دل ہوا سوز جہنم میں گرفتار مگر روح اب بھی کسی فردوس میں آوارہ ہے کیسی تقدیر کی گردش ...
اپنی بہار پہ ہنسنے والو کتنے چمن خاشاک ہوئے اپنے رفو کو گننے والو کتنے گریباں چاک ہوئے دیوانوں کو کون بتائے آج کی رسم اور آج کی بات اس نے انہیں کی سمت نظر کی عشق میں جو بے باک ہوئے شعبدۂ یک طرز کرم ہے کیسی سزا اور کیسی جزا موج تبسم جب لہرائی تر دامن بھی پاک ہوئے رخ دیکھا جس سمت ...
خزاں میں آگ لگاؤ بہار کے دن ہیں نئے شگوفے کھلاؤ بہار کے دن ہیں الٹ دو تختہ خزاں کی تباہ کاری کا بساط عیش بچھاؤ بہار کے دن ہیں عذار گل کی دہک سے جلا کے کانٹوں کو لگی دلوں کی بجھاؤ بہار کے دن ہیں ملا کے قطرۂ شبنم میں رنگ و نکہت گل کوئی شراب بناؤ بہار کے دن ہیں بھرے کٹورے چمن کے یہ ...
جاں سپاری کے بھی ارماں زندگی کی آس بھی حفظ ناموس الم بھی نیش غم کا پاس بھی خاک در بر ہی سہی میں خاک بھی وہ خاک ہے جس میں میرے زخم دل کی بو بھی ہے اور باس بھی کتنے دور چرخ ان آنکھوں نے دیکھے کچھ نہ پوچھ مٹ چکا ہے وقت کی رفتار کا احساس بھی ہائے وہ اک نشتر آگیں نیشتر افروز یاد جس کے ...
ہوا تھی ٹھنڈی ٹھنڈی چاندنی تھی اور دریا تھا کہیں نزدیک ہی جنگل میں کوئی گیت گاتا تھا فضا میں رس بھرے نغموں کی ہلکی ہلکی بارش تھی مرے دامن میں چھم چھم آنسوؤں کا مینہ برستا تھا
محبت! اے کہ تو دیوی ہے غم کی روئے جا اگر سفینہ ہو نازک تو یونہی کھیتے ہیں ان آنسوؤں ہی سے زینت ہے تیرے عارض کی یہ اشک خوں ترے رخ پر بہار دیتے ہیں
تیری نازک اور لانبی انگلیاں ساز کے تاروں کو جب کرتی ہیں مس جھومنے لگتی ہے زہرہ عرش پر دل پکار اٹھتا ہے بس للہ! بس
کسی خیال میں مدہوش جا رہا تھا میں اندھیری رات تھی تاریکیوں کی بارش تھی نکل گئی کوئی دوشیزہ دل کو چھوتی ہوئی یہ میرے ساز جوانی کی پہلی لرزش تھی
یہ ملاقات لوٹے لیتی ہے عشق کی گھات لوٹے لیتی ہے کر لو اخترؔ گواہ تاروں کو آج کی رات لوٹے لیتی ہے
تقدیر ازل آہ تو بھرتی ہوگی روح ابدی درد سے مرتی ہوگی سچ یہ ہے کہ ہم اہل جہاں کیا جانیں جو خالق عالم پہ گزرتی ہوگی
اس طرح طبیعت کبھی شیدا نہ ہوئی یہ آگ محبت میں بھی پیدا نہ ہوئی اللہ رے معبودۂ احساس و خیال وہ صبح جو مطلع پہ ہویدا نہ ہوئی
تسکین غم دل کے لیے جیتا ہوں جیتا بھی نہیں، چاک جگر سیتا ہوں اے گردش ایام تری عمر دراز میں بادہ نہیں تیرا لہو پیتا ہوں
تشکیک نے ایقان سے محروم رکھا تدقیق نے عرفان سے محروم رکھا القصہ نہ در پے ہو ہمارے کہ ہمیں اللہ نے ایمان سے محروم رکھا
یہ آج کی دنیا بھی ہے مرنے والی اک زندگیٔ نو ہے ابھرنے والی ہم پچھلی صدی میں ہیں ابھی اور یہاں موجودہ صدی بھی ہے گزرنے والی