دروازہ کھول نا ہنجار: تیرے گھر میں ایک غدار خواب چھپا بیٹھا ہے
احمد مطر عراقی شاعر ہیں ، جن کی زندگی کا بیشتر حصہ جلا وطنی میں گزر گیا۔ وہ استعمار اور آمریت ، بالخصوص عراقی اور عرب آمریت کے شدید نقاد ہیں ۔ غاصب اور آمر حکم ران ، آزادی سلب کرنے والے ، ظلم ، جبر اور تشدد کے ذریعے اپنے اپنے احکامات اور فیصلے عوام پر مسلط کرنے والے اور چور دروازوں کے ذریعے ایوانِ اقتدار تک پہنچنے والے ، ماورائے عدالت سزائیں اور عہدِ نو کے عرب معاشرے کی حالتِ زار ان کی شاعری اور نثر کا خاص محور ہیں۔