نئے ہیں وصل کے موسم محبتیں بھی نئی نئے رقیب ہیں اب کے عداوتیں بھی نئی جواں دلوں میں پنپتے ہیں اب نئے رومان حسین چہروں پہ لکھی عبارتیں بھی نئی وہ مجھ کو چھو کے پشیماں ہے اجنبی کی طرح ادائیں اس کی اچھوتی شرارتیں بھی نئی وہ جس نے سر میں دیا انقلاب کا سودا مرے لہو کو وہ بخشے ...
پتھر تمام شہر ستم گر کے ہو گئے جتنے تھے آئنے وہ مرے گھر کے ہو گئے شاید کہ یہ زمانہ انہیں پوجنے لگے کچھ لوگ اس خیال سے پتھر کے ہو گئے محور سے ان کو کھینچ نہ پائی کوئی کشش شوق طواف میں جو ترے در کے ہو گئے وہ اپنے لا شعور سے ہجرت نہ کر سکا میرے ارادے سات سمندر کے ہو گئے سفاک موسموں ...
اس کا لہجہ کرخت ہوتا گیا دل ہمارا بھی سخت ہوتا گیا زخم کا ایک ننھا سا پودا رفتہ رفتہ درخت ہوتا گیا تھا سفر یوں تو بے سر و ساماں شوق منزل ہی رخت ہوتا گیا رہبری کا ہر اک علمبردار خوگر تاج و تخت ہوتا گیا تیری خاطر سمیٹ کر رکھا دل مگر لخت لخت ہوتا گیا عشق میں جس مقام سے گزرے مرحلہ ...
وہ برنگ اعتبار آنکھوں میں ہے ایک تسکیں اک قرار آنکھوں میں ہے میں نئی رت کے سفر پر ہوں مگر پچھلے موسم کا خمار آنکھوں میں ہے خیر مقدم کہہ رہے ہیں سرخ لب چاہتوں کا اشتہار آنکھوں میں ہے روشنی کی طرح وہ رخصت ہوا جگنوؤں کی اک قطار آنکھوں میں ہے ڈوبتے لمحوں کی کشتی پر سوار کاروان ...
گرچہ باطل کو نا پسند رہا نعرۂ حق مگر بلند رہا جس نے عرض نیاز بھی نہ سنی دل اسی کا نیاز مند رہا پی لیا زہر تلخیٔ ایام پھر بھی لہجہ ہمارا قند رہا بے حسی تھی مرے تعاقب میں اس لیے میں فصیل بند رہا سرنگوں رتجگوں کو ہونا پڑا پرچم خواب سر بلند رہا کیا ملے اس سے ایک بار سخنؔ موج میں ...
لب خموش سے اس نے خوش آمدید کہا اسی کو لوگوں نے پھر گفت اور شنید کہا بہار لالہ و گل سے خزاں کی آہٹ تک ہر ایک واقعہ موسم نے چشم دید کہا جنوں میں پہلے تو اقرار کر لیا اس نے جنوں کی بات کو پھر عقل سے بعید کہا حسین تبصرہ موسم پہ جب تمام ہوا تو اس نے کان میں چپکے سے کچھ مزید کہا ترا ...
مری چاہتوں کے سوال پر کوئی مسکرا کے چلا گیا مجھے پھر سے موسم وصل کا وہ حسین خواب دکھا گیا دل میزبان میں رنج کا یہی مدتوں سے ہے سلسلہ کوئی دن میں آ کے ٹھہر گیا کوئی رات رہ کے چلا گیا وہ ملن کی اولیں ساعتیں وہ کسی کا لمس عنایتیں کبھی وہ خمار سے تر ہوا کبھی مجھ پہ نشہ سا چھا گیا یہی ...
نئی غزل کا نئی فکر و آگہی کا ورق زمانہ کھول رہا ہے سخنوری کا ورق محبتوں کے حسیں باب سے ذرا آگے کتاب زیست میں ملتا ہے گمرہی کا ورق سنہری ساعتیں منسوب ہیں ترے غم سے پلٹ کے دیکھ ذرا میری زندگی کا ورق کتاب وقت کی آندھی میں کھل گئی شاید ہوا میں اڑ گیا دیرینہ دوستی کا ورق تلاوتوں ...
دام سو رکھتے ہیں لفظوں میں سخنور مجھ سے بات کیجے گا ذرا سوچ سمجھ کر مجھ سے مجھے کھلتی نہیں تنہائی سفر کی یوں بھی گفتگو کرتے ہیں سب راہ کے پتھر مجھ سے وہ جو ہیں لذت تفہیم سخن سے واقف شعر سنتے ہیں وہی لوگ مکرر مجھ سے مجھ کو ڈر تھا کہ کہیں فاصلے بڑھ جائیں مگر وہ قریب آ گیا کچھ اور ...
جب امن کے آثار دیکھتے ہیں ماحول شرر بار دیکھتے ہیں ہے فرض یہاں کس پہ شہریاری سب اپنی ہی دستار دیکھتے ہیں آئنہ تو سب دیکھتے ہیں لیکن ہم آئنہ بردار دیکھتے ہیں میں میل کا پتھر ہوں مجھ کو رہرو مڑ مڑ کے کئی بار دیکھتے ہیں جو لوگ تھے بدنام شہر بھر میں وہ لوگ بھی کردار دیکھتے ہیں وہ ...