ناخدا کس لئے پریشاں ہے
ناخدا کس لئے پریشاں ہے کشمکش عین کامیابی ہے گر کنارہ نہیں مقدر میں قصر دریا میں کیا خرابی ہے
مقبول عام شاعر، زندگی اور محبت پر مبنی رومانی شاعری کے لیے معروف
عبد الحمید عدم
Popular Poet with dominant romantic shades celebrating love and life.
عبد الحمید عدم کے قطعہ
ساحل پہ اک تھکے ہوئے جوگی کی بنسری
ساحل پہ اک تھکے ہوئے جوگی کی بنسری تلقین کر رہی ہے کنارہ ہے زندگی طوفان میں سفینۂ ہستی کو چھوڑ کر ملاح گا رہا ہے کہ دریا ہے زندگی
نہ خدا ہے نہ ناخدا ساتھی
نہ خدا ہے نہ ناخدا ساتھی ناؤ کو آپ ہی چلانا ہے یا بغاوت سے پار اترنا ہے یا رعونت سے ڈوب جانا ہے
وصل کی شب ہے اور سینے میں
وصل کی شب ہے اور سینے میں ایک مدہوش آگ کا رس ہے آج سارے چراغ گل کر دو آج اندھیرا بڑا مقدس ہے
سو رہی ہے گلوں کے بستر پر
سو رہی ہے گلوں کے بستر پر ایک تصویر رنگ و نکہت و ناز جس کے ماتھے کی نرم لہروں پر چاندنی رات پڑھ رہی ہے نماز
گلستانوں میں گھوم لیتا ہوں
گلستانوں میں گھوم لیتا ہوں بادہ خانوں میں جھوم لیتا ہوں زندگی جس جگہ بھی مل جائے اس کے قدموں کو چوم لیتا ہوں
دفن ہیں ساغروں میں ہنگامے
دفن ہیں ساغروں میں ہنگامے کتنی اجڑی ہوئی بہاروں کے نام کندہ ہیں آبگینوں پر کتنے ڈوبے ہوئے ستاروں کے
زندگی ہے کہ اک حسین سزا
زندگی ہے کہ اک حسین سزا زیست اپنی ہے غم پرائے ہیں ہم بھی کن مفلسوں کی دنیا میں قرض کی سانس لینے آئے ہیں
یہ وہ فضا ہے جہاں فرق صبح و شام نہیں
یہ وہ فضا ہے جہاں فرق صبح و شام نہیں کہ گردشوں میں یہاں زندگی کا جام نہیں دیار پاک میں مت پڑھ کلام روح افزا کہ مقبروں میں خطیبوں کا کوئی کام نہیں
مایوس ہو گئی ہے دعا بھی جبین بھی
مایوس ہو گئی ہے دعا بھی جبین بھی اٹھنے لگا ہے دل سے خدا کا یقین بھی تسکیں کی ایک سانس ہمیں بخش دیجئے یہ آسماں بھی آپ کا اور یہ زمین بھی