غم کو ثبات ہے نہ خوشی کو قرار ہے جو کل تھا خندہ ریز وہ آج اشک بار ہے کہتی ہے اوس پھول سے او بے خود نشاط روئے خزاں بھی زیر حجاب بہار ہے جب تک جلی جلا کی ہوا آئی بجھ گئی یہ زندگی بھی شمع سر رہ گزار ہے جس کا نفس کی آمد و شد پر مدار ہو ایسی حیات کا بھی کوئی اعتبار ہے اک میں ہی بد نصیب ...
ہیں اہل چمن حیراں یہ کیسی بہار آئی ہیں پھول کھلے لیکن ہے رنگ نہ رعنائی ان کے رخ رنگیں سے اس ساعد سیمیں سے پھولوں نے پھبن پائی سورج نے ضیا پائی سب میکدے ویراں ہیں سنسان گلستاں ہیں کہنے کو گھٹا چھائی کہنے کو بہار آئی مدہوشی و مستی کا انداز نرالا ہے مے رندوں نے پی کم ہی پیمانوں سے ...
خواب میں آؤ مرے رنگین خوابوں کی طرح پڑھ سکوں تم کو میں رومانی کتابوں کی طرح دیجیے تشبیہ کیا ان کو مہ و خورشید سے ایک چہرہ ان کا ہے سو آفتابوں کی طرح چاہے گر انساں تو بن سکتی ہے لا فانی حیات زندگی انسان کی گو ہے حبابوں کی طرح جیسے مفہوم و معانی سے ہوں عاری سارے ہی پڑھتا ہوں اک ...
سر جھکائے سر محشر جو گنہ گار آئے اس کے انداز پہ رحمت کو نہ کیوں پیار آئے جام و پیمانہ سے مے خانہ سے کیا کام اسے ہو کے ساقی کی نگاہوں سے جو سرشار آئے دی صدا دل نے ذرا اور بھی دشوار ہو راہ راستے جب بھی مرے سامنے ہموار آئے زندگی کیوں نہ مرے موت پہ ان کی جو لوگ مسکراتے ہوئے زنداں سے ...
تجھے ہم یاد ہر دم اے ستم ایجاد کرتے ہیں یوں ہی اپنے دل ناشاد کو ہم شاد کرتے ہیں بسا کر ایک دنیا آج رنج و یاس و حرماں کی ہم اپنے دل کے ویرانے کو پھر آباد کرتے ہیں اسیری سے ہمیں کچھ ہو گئی ہے ایسی انسیت قفس سے چھوٹ کر بھی ہم قفس کو یاد کرتے ہیں ہماری فطرت مردانہ کی تفریح ہوتی ہے کرم ...
لالہ و گل پہ خزاں آج بھی جب چھائی ہے کون کہتا ہے گلستاں میں بہار آئی ہے سوئے مے خانہ چلیں رند نہ کیوں جام بدست سر مے خانہ جو گھنگھور گھٹا چھائی ہے پھول مسرور چمن میں ہیں عنادل شاداں کس کے آنے کی خبر باد صبا لائی ہے رات نے گیسوؤں سے ان کے سیاہی لی ہے ان کے رخسار سے سورج نے ضیا ...
منزل پہ لے کے پہنچے گا عزم جواں مجھے کہہ دو نہ ساتھ لے کے چلے کارواں مجھے سنتا ہوں پھر چمن میں ہوئی خیمہ زن بہار آئے نہ کیوں قفس میں بھی یاد آشیاں مجھے کھویا ہوا ہوں ان کے تصور میں اس طرح جیسے سنائے ان کی کوئی داستاں مجھے یہ جب بھی آئی لائی نوید بہار بھی پھر کیوں بہار سے نہ ہو ...
دھوپ حالات کی ہو تیز تو اور کیا مانگو کسی دامن کی ہوا زلف کا سایہ مانگو اس سے کیا کم ہے کسی کے رخ زیبا کی ضیا ماہ و خورشید سے کیوں ان کا اجالا مانگو جس کے بعد اور نہ رہ جائے تمنا کوئی مانگنا ہو جو خدا سے وہ تمنا مانگو خوب ہے درد کی لذت یہ بڑی دولت ہے زخم دل کے لئے مرہم نہ مداوا ...
سرشار ہوں ساقی کی آنکھوں کے تصور سے ہے کوئی غرض مجھ کو بادہ سے نہ ساغر سے اس دور میں میخانے کا نظم نرالا ہے پی کر کوئی بہکے ہم اک جرعہ کو بھی ترسے کتنے ہیں جو اک قطرہ سے پیاس بجھاتے ہیں سیراب نہیں ہوتے کچھ لوگ سمندر سے ہشیار بہت رہنا ہے آج کے راہی کو جتنا نہیں رہزن سے ڈر اتنا ہے ...
کیا مسرت ہے پوچھئے ہم سے ہے عبارت ہر اک خوشی غم سے عرق آلود آپ کا چہرہ ہو دھلا پھول جیسے شبنم سے ضبط گریہ سے راز غم تھا چھپا کھل گیا آج چشم پر نم سے درد دل کا نہیں کوئی درماں زخم کیا مندمل ہو مرہم سے در حقیقت قریب رہتے ہیں وہ بظاہر ہی دور ہیں ہم سے جب ازل سے خطا ضمیر میں ہے کیوں ...