1. صفحۂ اول
  2. قومی زبان
  3. شاعری
  4. اے دل اب عشق کی لے گوئی اور چوگان میں آ

اے دل اب عشق کی لے گوئی اور چوگان میں آ

اے دل اب عشق کی لے گوئی اور چوگان میں آ
بے خطر ٹھوک کے خم جنگ کے سامان میں آ


خوف غماز رقیبوں کا نہ کر کچھ ہرگز
ہو کے راضی بہ رضا وقت ہے میدان میں آ


فرصت اس وقت غنیمت ہے نکل ظلمت سے
سلجھ کر زلف سے رخسار درخشان میں آ


گل رخسارہ کا نظارہ تو کر آنکھیں کھول
انگبیں چکھنے کو پھر دل لب خندان میں آ


بعد اس کے جو اگر سمجھے مناسب اے دل
قید ہونے کے تئیں چاہ زنخدان میں آ


ہرزہ پھرنے سے ترے گوشہ نشینی بہتر
وہم و شک اور گماں چھوڑ کے ایقان میں آ


وصل و ہجرت کے تئیں ایک سمجھ افریدیؔ
عقل ہے کچھ بھی اگر صحبت رندان میں آ


قاسم علی خان آفریدی سے متعلقہ

جس طرح کوچے میں تیرے پھرتے ہیں ہم بر طرف

کسی کا راغ مطالب کسی کا باغ مراد

مجھ کو تو شراب سے مستی ہے اور

کفر عشق آیا بدل مجھ مومن دیں دار تک

یہ مشت خاک اپنے کو جہاں چاہے تہاں لے جا

اس ارض کے تختہ پر سنسار ہے اور میں ہوں

اہم خبریں

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

میں نہ ٹوٹا نہ بکھرا ، نہ دل شکستہ ہوا

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن