1. صفحۂ اول
  2. قومی زبان
  3. شاعری
  4. اگر اتنا نہ تو عیار ہوتا

اگر اتنا نہ تو عیار ہوتا

اگر اتنا نہ تو عیار ہوتا
تو دشمن کا نہ ہرگز یار ہوتا


دوئی کا نقش مٹتا دل سے اے کاش
مئے وحدت سے میں سرشار ہوتا


جو ہوتے آج کل قیس اور فرہاد
میں ان کا قافلہ سالار ہوتا


نہ ہوتا گر ترا طالب جہاں میں
تو میں پابند ننگ و عار ہوتا


لگائے چاٹ پر ہیں اس کو دشمن
الٰہی میں بھی کچھ زردار ہوتا


اگر ہوتا مجھے پاس آبرو کا
نہ تیرا عاشق دیدار ہوتا


تڑپتا ہے قفس میں طائر دل
نکل جاتا اگر پر دار ہوتا


تمنا دل کی ساقیؔ جب نکلتی
اگر منہ سے نہ کچھ اظہار ہوتا


پنڈت جواہر ناتھ ساقی سے متعلقہ

تو نے صورت جو اپنی دکھلائی

آپ ہیں محو حسن و رعنائی

جس سے تیری ہوئی ہے یکتائی

کہاں ہے وہ گل خنداں ہمیں نہیں معلوم

تم نے دیکھا ہی نہیں ہے وہ نظام مخصوص

تجھے خلق کہتی ہے خود نما تجھے ہم سے کیوں یہ حجاب ہے

اہم خبریں

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

میں نہ ٹوٹا نہ بکھرا ، نہ دل شکستہ ہوا

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن