1. صفحۂ اول
  2. قومی زبان
  3. شاعری
  4. آس ہی سے دل میں پیدا زندگی ہونے لگی

آس ہی سے دل میں پیدا زندگی ہونے لگی

آس ہی سے دل میں پیدا زندگی ہونے لگی
شمع جلنے بھی نہ پائی روشنی ہونے لگی


انتہائے عشق ہے کیسی جفا کیسا گلہ
اب تو ان کی ہر خوشی اپنی خوشی ہونے لگی


روک اپنا ہاتھ روک اب اے جنون جامہ در
حسن پردہ دار کی پردہ دری ہونے لگی


الجھی الجھی سانس گھبرائی نظر بہکے قدم
اے نگار مست دنیا دوسری ہونے لگی


چاند میرا کہکشاں میری گل و غنچہ مرے
تم مرے ہونے لگے دنیا مری ہونے لگی


ڈوبے تارے جھلملائی شمع شبنم رو پڑی
انتظار صبح تھا لو صبح بھی ہونے لگی


سوز دل سے روشنی ہونے لگی دل میں نذیرؔ
عشق کی دنیا بھی دنیا حسن کی ہونے لگی


نذیر بنارسی سے متعلقہ

پیشانی پہ سیال نگینہ کیوں ہے

ہر سانس میں اک حشر بپا ہے واعظ

ساحل پہ اگر مرا سفینہ آ جائے

بے بادہ بھی غم سے دور ہو جاتا ہوں

کس طرح سے آئی ہے جماہی توبہ

رخصت ابھی ظلمتوں کا ڈیرا کر دوں

اہم خبریں

کتاب بینی اور انسان

اقبال کا تصور مرد کامل

ہمیشہ یاد رکھنا کہ مزاحمت فضول کام نہیں ہے، یہ محض ایک گولی نہیں ہے جو چلادی جائے

فیچر اور تجزیے

اسلام اور مغرب

کیا اسلام مغرب کا دشمن ہے؟ از تمارا سن